Popular Bible Verses from 1 Korinthiko 13

Share

Dulạṛ doe soboria, dulạṛ doe susṭoba; dulạṛ do bae hiskạwa, dulạṛ do bae phulạukʼa, dulạṛ do bae becola, dulạṛ do bae hạr dogokʼa; dulạṛ do bae kaḍraokʼa; dulạṛ do bae adopa; dulạṛ do bạṛicʼ bae hisạba

Dulạṛ do sanamakʼgeye sahaoa, sanamkogeye pạtiạuakoa; sanamakʼrege ase dohoya; ar sanamakʼgeye sumbhrạua.

dulạṛ do bedhoromakʼte bae rạskạkʼa bickom oka sạriyakʼkan onateye rạskạ midokʼa.

Menkhan ńitokʼ do biswạs, as, ar dulạṛ noako penege tahenkana; menkhan noako modre joto khon soros utạrakʼ do dulạṛkangea.

Dulạṛ do tisge baṅ mucạdokʼa. Nạbi lekate roṛ reakʼ ektiạri cabakʼa, ar eṭakʼ pạrsite roṛ reakʼ ektiạri menakʼtae khan ona do adokʼa; ar baḍaeakʼ menakʼ khan ona hõ mạutạkʼa

Manwakoakʼ ar serma goḍetkoakʼ pạrsiteń roṛlere hõ dulạṛ bạnukʼtiń khan, raṛaṅ raṛaṅokʼkan ghonṭa ar chaṅ chaṅokʼkan kortalgeń hoyakana.

Nạbi leka roṛ reakʼ ektiạri tahentiń, ar sanam okoakʼ iń baḍae daṛeakʼ ar joto lekan akel tahentiń, se buruko ucạṛ daṛeakʼ leka purạ biswạs tahentiń, menkhan dulạṛ bạnukʼtiń khan, cetʼ porho hõ bạnukʼtińạ.

Jãhãnakʼge menakʼtiń ona joto do reṅgecʼ orecʼko jom ocoko lạgitʼ iń danlere ar atar giḍikʼ lạgitʼ ińakʼ hoṛmoń alaelere hõ, dulạṛ bạnukʼtiń khan cetʼ porho hõ bạnukʼtińạ.

Iń do gidrạń tahẽkanre gidrạ lekań roṛetʼ tahẽkana, gidrạ lekań hudisetʼ tahẽkana ar gidrạ lekageń bicạretʼ tahẽkana; ar ńitokʼ doń sẽṛã akana, onate gidrạ reakʼakʼko doń bạgi akada.