Popular Bible Verses from मरकुस 6

Share

येसु ओकरासबके कहल्‍कै, “अपनासब सुनसान जगहमे एकछिन सुस्‍थाले।” कथिलेत ओते आबैजाइबला अतहेक लोकसब छेलै कि ओइसबके खाइयोले फुरसत नै हैछेलै।

तब येसु ओइसबके कहल्‍कै, “अगमबक्‍ताके सब दिसन आदर हैछै महज आपन देस आ आपन कर-कुटुमबसबके बिचमे आ आपन घरमे आदर नै हैछै।”

जब येसु नाहसे उतरलै तब लोकसबके बरका भिर जम्‍मा भेल देखके ओकरा मनमे एकदम दया लाग्‍लै कथिलेत उसब चरवाह बिनाके भेंरासब जखा छेलै। तब येसु ओकरासबके बहुत बात सिखाबे लाग्‍लै।

तहैले येसु ओते कोनो-कोनो बिमारसब उपर आपन हाथ राइखके ओइसबके निक करै बाहेक ओकरासबके अबिस्‍बासके कारन कोनो सक्‍तिसाली काम करे नै सकल्‍कै। ओइसबमे कन्‍हिकरो बिस्‍बास नै देखके येसु छक्‍के परलै। तब उ गाम-गाममे सिक्‍छा दैत गेलै।

तब येसु पाँच रोटी आ दुइ माछ लके स्‍वरगदिसन ताकैत परमेस्‍वरसे आसिरबाद माङल्‍कै आ रोटीके टुकरा टुकरा करल्‍कै। लोकसबके बाइट दहै कैहके चेलासबके देल्‍कै। तहिनङे माछोसब बाइट देल्‍कै। तब सबकोइ पेट भरके खेल्‍कै। उबरल रोटी आ माछके टुकरा चेलासब बिछल्‍कै त बारह चङेरा भेलै।