Popular Bible Verses from प्रेरित 5

Share

पत्रुस र अरु प्रेरितकै डेया, “कानै भर्मीकुङ होइन टर परमेश्‍वरौ आज्ञा मन्‍डीकी न पर्‌ले।

होटै होखुरीकै डीन-डीनै परमेश्‍वरौ मन्‍दिराङ र इम-इमाङ नुङार येशू मुक्‍ति याछ ख्रीष्‍ट हो डेयार पाहाक्‍की र सेछ समाचार सेटाक्‍की माडासा।

पत्रुसै डेया, “ए हननीया, पवित्र आत्‍माकी ढाँट्‍डीच र य्‍हा आर्‌लाच पैसा चेक्‍जा लाहा खाटा डाच कुरा शैतानै कुटजाट्‍न नाकुङ मीमनाङ काम याहा? होसे य्‍हा नाकै माआर्‌लाठर ही नाकुङ लहो न मालेया र? होसे आर्‌लारखीङ र होसे पैसा नाकुङ न अधिकाराङ मालेया र? याङ्‍च काम जाट्‍च बीचार नाकुङ मीमनाङ कुट जाट्‍न राहा? नाकै भर्मीकोलाक मट्‍टै होइन टर परमेश्‍वरकी न ढाँट्‍डीमे!” इसे कुरा सेच बीट्‍टीकै हननीया झाङ कुरुव्‍हार सीया। अनी इसे कुरा सेचको पट्‍ट न सार्‍है बीर्‍हीया।

होटबाटै इसे मामीलाङ ङा नाखुरीककी डेले, इसे भर्मीको लकीङ लोस ङुनी र इखुरीककी डास्‍न यान्‍ही, हीजैडेनाङ इखुरीकुङ योजना र काम भर्मीकोलकीङ हो लेसा डेनाङ होसे मेल्‍हा न म्‍हाटार नुङ्‍ले। टर इसे परमेश्‍वर लकीङ न हो लेसा डेनाङ नाखुरीकै इसकी रोकडीकी माय्‍होक्‍ले। नभा च नाखुरीक परमेश्‍वरौ विरोधाङ सोच छान्‍ले।”