Popular Bible Verses from Maakö 6

Share

'N Zezwii yuëë 'dɩ 'nyɛ, ɔ lɛ naa: «A yi, dɛɛ ‑bɛ 'nɩɛ ‑wʋ, ‑a 'kä ‑lɛ mö, a 'kä 'tikïyie 'wʋ nyɛpɛ.» Nɩkpa a 'kɔkɔmlɛ, ‑muë mö, ‑muë yi ‑lɛ ɔ yɔwʋ, zaa ɔ ‑nyɛ 'ɔ ‑gänɩwaa 'sɔ, wa'a ghlɩ 'tɛnyɩ wa 'kä li, nza ɔ gbää ‑sɩbhä.

Nza ɔ 'nyʋä 'dɩ nɩɩ: «Lagɔ a 'möbhïlanɩnyɔ, saa 'wuë wa zo ‑sɩbhä 'klʋkpamö, ‑maa ‑mä ɔ 'bhele, ‑mä 'ɔ ‑kosu yɔwʋ, 'ɔ waa 'wuë jijo'wʋ, 'ylimö ɔ ‑flanɩɛ.»

Zezwii kwliɛ ‑mä gɔlʋʋ 'möö, 'n ɔ yiɛ nɩkpa 'kɔkɔmlɛ 'ylɩmö wa 'kä ‑bhɩɛ wïla a ‑mii 'nɩ'ɛ 'ylizʋnɩnyɔ 'wʋ ‑kä, zaa 'n ngäzɩ yoo tenyii 'lɩbhä. 'N ɔ yuëë li a ‑bɛ 'cɩa.

‑Sɩbhä a za, ‑mä ɔ 'bhele Nazalɛɛtɩ ɔ'ɔɔ ‑mä zɩzɛli ‑bhɛnɩ, 'n ɛ 'nɩ ‑bhö wa gla'mö a 'yɛya ɔ 'zʋä kätɩkpö 'wlu 'n wa yiɛ yɛmanɩ muë. Ɔ 'yɩɛ sɛɛ ɔ 'bhele a ‑nʋa 'nɔɔ dlɩ 'wʋ ‑kä 'ylɩmöö, yɩ 'nɔɔ gbʋdɩdɛ 'nyɛ. Ɔ 'bhööä ‑mä, ‑mä a ‑kʋkʋ yɔwʋ a ‑gwlɩɩ 'mö ‑mä ɔ möä 'n ɔ yiɛ ‑mä a ‑nʋa Lagɔwɛlɩɩ 'nyɛ.

'N Zezwii yiɛ 'fɔlɔbhï ngbï ‑kpɔ ‑nyɛ zibhïya 'sɔ ‑kpɔ 'sɔ 'wʋ 'libhï, 'n ɔ yiɛ ghäyɩ yɩlɩ, 'n ɔ yiɛ yɩ za Lagɔ bhälɩ. 'N ɔ yiɛ 'fɔlɔ 'mö ‑dɩdɩnɩ, 'n ɔ yuä 'ɔ ‑gänɩwaa yowʋ 'nyɛ, n wa yuä nɩkpa 'wuë dilanɩ. 'N ɔ yuë'ɛɛ wa 'wuë zibhïya 'sɔ ‑kpɔ dilanɩmö. Nɩkpa 'wuë, 'n wa yiɛ li, 'n wa yiɛ lʋ, 'n lilea yiɛ 'wʋ tʋʋ. 'Fɔlɔkïbhï ‑nyɛ zibhï 'sɔ ‑yɩ tʋʋä 'wʋʋ, wa 'libhiɛ, yɩ yie ‑käkö kʋgbä'sɔ 'n wa ‑nyɩɩ 'yiɛ mö.