Popular Bible Verses from Zaa 21

Share

Wa liɛ 'wëë, 'n Zezwii yiɛ Simɔɔ Piɛlɩ nimï 'yɩbhä, ɔ lɛ naa: «Zaa ‑yowli Simɔɔ, ‑muë nɩ 'wuë a dɔ'wʋ, n ‑glamö bhä tenyii dlɩ 'wʋ ‑a?» Ɔ lɛ naa: «Nn, ‑Alowli, ‑n ‑yi sɛ nɩɩ n ‑wamö.» Zezwii lɛ naa: «Zaa, 'zʋnɩ 'na wïlaa 'yli.» 'N ɔ yo'ɛɛ 'wʋ 'sɔ nimï 'yɩbhänɩ, ɔ lɛ naa: «Zaa ‑yowli Simɔɔ, n ‑glamö bhä tenyii dlɩ 'wʋ ‑a?» Ɔ lɛ naa: «Nn, ‑Alowli, ‑n ‑yi sɛ nɩɩ n ‑wamö.» Zezwii lɛ naa: «Zaa, 'zʋnɩ 'na wïlaa 'yli!» 'N ɔ yo'ɛɛ 'wʋ tanadɔ'wʋ nimï 'yɩbhä, ɔ lɛ naa: «Zaa ‑yowli Simɔɔ, ‑n ‑waa bhä ‑a?» Zezwii 'yɩbhänɔɔ sa'a 'wʋ tanadɔ'wʋ nimï nɩɩ: «‑N ‑waa bhä ‑a?» 'N swɩ yoo yɔwʋ 'kunɩ, ɔ lɛ naa: «'Ɔ! ‑Alowli, ‑nmö ‑yiɛ ‑lii 'wuë, ‑n ‑yi sɛ nɩɩ n ‑wamö.» Zezwii lɛ naa: «Zaa, 'zʋnɩ 'na wïlaa 'yli!»

‑Tiamö n nyɩamöä dɛ'ɛ 'dɩ nɩɩ, 'tɛnyɩ 'mö dɛɛ ‑n glɩnɩ a‑a nyɛgbayuu, ‑nanyɩgäsɛ n‑n nyɔlanɩ a‑a yɔwʋ, mää ‑n yɩbhää, n‑n mö a‑a ‑mä. ‑Maa ‑n ‑kä gɔɔ, ‑na'a swɩɩ mö ‑n 'kää 'mö lɛlɩ ‑mɔmɔɔ ‑kamö yɔwʋ nyɔlanɩ, dɛ ‑nn‑ä yɩbhää, ɔ ‑kamö ‑lɛ kwä.

Ɔ lɛ naa: «A nɩ 'pänɩ ‑mä gɔlʋʋ a luukɛ 'wʋ 'a ‑dɛdaa, ‑maa a yi ‑lu 'lɩbhä.» 'N wa yeaa ‑mä 'pä. ‑Maa wa 'kaa'a jli wa 'ka ‑mä ‑sɛɛ yii, zibhï a zunɔɔ a za, wa 'naa bhɛnɩ.

'N Simɔɔ Piɛlɩ yuëë 'dɩ 'nyɛ, ɔ lɛ naa: «N yɛɛ ‑dɛda ‑pää mö.» Wa lɛ naa: «‑A yi 'mämö.» 'N wa yiɛ 'wʋ ‑sɔ 'n wa yiɛ mö. Wa möä, 'n wa yiɛ 'gɔlʋ 'wʋ 'libhï, ‑maa ‑lɛ a sabʋ 'la, wa 'pää, wa'aa ‑lu 'lɩbhä.