Popular Bible Verses from Zaa 15

Share

Sɛ'ɛ n gbää nɩɩ, ‑tiamö a ghlɛzɛɛsuu, ‑amöä, abhʋa glɩnɩɛ 'na kïlaa. ‑Mɔ ‑kaa 'wʋ ‑glɛɛ, 'n ‑mɔ n ‑kä'ɛ na a 'wʋ ‑glɛɛ, mɔɔ 'kää 'bhï a ‑bɛ tlʋ. Ɛ'ɛ ‑bhö nyɩasɛ, ‑maa a ‑nɩɩ 'wʋ ‑glɛɛ, a'aa bhɛnɩ a 'kä ‑lu nʋ.

Sɩbhä a za, a nɩ ‑glaaa 'wʋ, nzɩɩ n 'kanyɩ'ɛ na a 'wʋ ‑glɛ. Ɛ'ɛ ‑bhö nyɩasɛ, ‑maa suklɩ 'nɩ ‑da 'yli ‑glɛɛ, ɛ'ɛɛ bhɛnɩ ɛ 'kä 'bhë tlʋ. Sɛ ‑bhʋlʋ ‑kpɔ 'la ‑sɩbhä a ‑nɩɩ 'wʋ ‑glɛɛ, 'n a 'nɩɛ bhɛnɩ a 'kä 'bhï tlʋ.

A ‑kaa 'wʋ ‑glɛɛ, a ‑kä 'wʋ nglu 'na wɛlɩɩ 'kanyɩ 'tɩɩ ‑suu, 'saa a ‑kä na dɩba Lagɔ 'yɩbhänɩ ‑kë, ɔ yeanyu 'nyɛ.

Abhʋa ‑nɩɩɛ ‑lɛ ‑sɛ, ‑maa ‑amöö ‑saanyɩɛ ‑lɛ, 'n n yeanyɩɛ tie a 'kä 'na libhoo nʋä mö. Libho 'la 'kä 'bhï a ‑mii 'naa 'kää 'kwädlɩ 'yli bhɩɛ gwë glɛ. 'Saa a ‑kä na 'nglɩ 'mö na dɩba Lagɔ 'yɩbhänɩɩ, ɔ yu nʋ.

‑Ɔ wlʋä ɔnyɩ 'mö ɔ 'kä ɔ bhɛya a 'wlumö 'kuu, 'ɔ ‑wawʋʋ mʋʋ 'ghïliɛ mʋʋ 'nɩɛ ‑sɩbhä a sɛ ‑wʋ.

Kïlaa ‑yɩɩ tlʋä, 'wʋ ɔ diɛ. ‑Maa kïlaa ‑yɩ tlʋä, glumaa ɔ sɩɛ yɩ 'kä tenyii tlʋ.

Zaa, sɛ'ɛ n gbää nɩɩ, gba n 'panyɩɛ, ma‑a nɩɩ, sɛ n ‑waanyɩɛ, a nɩ ‑wawanɩ ‑sɩbhä.

A ‑kä 'bhï a ‑bɛ tlʋʋ, mɩɩ 'ghlimanɩɛ na dɩba Lagɔ a 'nglɩ, ‑lɛ a dɔ'wʋ a yɛɛ na ‑gänɩwa 'zʋʋ.

‑Tiamö a ghlɛzɛɛsuu, ‑amöä. Na dɩba Lagɔ mɔɔ glɩnɩɛ wʋ ‑lowli.

‑Ɔ ‑nɩɩ 'wʋ ‑glɛɛ, suklɩ a ‑mɛ wa dɩ'ɛ 'wʋ, wa pä'ɛ 'kwlɛ 'mö 'n ɛ yɛ'ɛɛ, ɛ saa ‑sɩbhä ɔ ‑wʋä. ‑Maa ‑sɩbhä a sukïla 'la, yɩ ‑käa'a yɛɛ, 'wʋ wa libhiɛ 'n wa zwiɛ ‑kosu 'mö, 'n yɩ siɛ.

'Na sɛ n ‑wʋä 'mäna 'möö, a 'käa ‑sɩbhä 'mäna 'mö ‑wʋmö, nza n 'nyanyɩɛ ‑lɛ a wɛlɩ 'la. ‑Lɛ a dɔ'wʋ, 'a 'mäna yi 'klʋ yie.

Sɛɛ na dɩba Lagɔ nyɩaaa 'dɩɩ, ‑sɩbhä n zʋä zaa, nza n ‑yiɛ sɛ nɩɩ ɔ ‑waa 'kwädlɩ, a'bhï sɛ n nyanyɩɛ 'dɩ a ‑kä ‑sɩbhä 'zʋʋ, a nɩ ‑yi sɛ nɩɩ, n ‑waanyɩ 'kwädlɩ.

‑Maa 'dɩ n nyanyɩɛ dɛ'ɛ nɩɩ, a nɩ ‑wawanɩ.

A ‑kä a mä'ä 'pɩwʋ a 'yize a ‑nʋä glɩnɩmöö, wa 'bhɩa a glɩnɩ a‑a zaa, wa yeanyɩ a ‑wa. ‑Maa ‑amöö ‑saanyɩɛ ‑lɛ mä'ä 'pɩwʋ a ‑nʋa jijo'wʋ nzɩɩ a 'kä na ‑nʋä glɩnɩ, zaa a'a ‑bhöa'a mä'ä 'pɩwʋ a 'yize a ‑nʋä, nza wa ‑gbïlanyɩɛ.