Popular Bible Verses from Nʋnʋlii 4

Share

‑A'bhɩanyɩ, käböpuënyɔ 'nɩɛ ‑bhölɩ 'n ɛ 'nɩ ‑bhö Zezwii mɔɔ. Nɩkpɛ a ‑mɔɔ ‑ɔnyɩɩ 'nglɩ ‑a 'kää 'mo 'pʋnɩɩ, Lagɔ 'nɔɔ mä'ä 'ylʋ zɛmö ‑sɛ, 'n ɛ 'nɩ ‑bhö Zezwii mɔɔ.»

Wa bhibhee sa'a 'wë, cuu, dɛ wa glɩ a‑a a dʋdʋ 'n wʋ yiɛ tɩtlɛnɩ. Wa 'wuë, 'n 'Wugɔmʋʋ 'Wlɩlɩ yuëë tenyii ‑gömö yi. 'Bhöönɩa'a ‑lɛ, nɩkpa a nganɔ 'nuëa'a dlɩ zɛmö ‑wʋ, 'n wa bhïlaa Lagɔ 'a wɛlɩɩ 'yize.

Zaa, ‑Atʋ, sɛ wa yɩbhäa'aa ‑sɩkaa wa ‑kanyɩ swɩ yɔwʋ 'kuanɩɩ, ‑na'bhë ‑sɩbhä ‑n yɩlɩɛ dɛ'ɛ 'wʋ. Zaa, ‑nmö nɩ nyɩanyɩ 'mötɛɛnɔ ‑a 'kä nyɩbhɛlʋsɛ gbëaa ‑na'a wɛlɩɩ bhïla.

Sɛ'ɛ Lagɔwɛlɩɩ nʋä nɩɩ: Kpiyii, 'sɩbhäsɩbhäwaa gbä a‑a ‑ɛɛ nɛnɩɩ, mɛɛ 'zʋa'aa ‑sɩkaa dɛsɛkäkpiyii. Wɛlɩ 'la, Zezwii a dɛ yɩ bhïlaa.

Piɛlɩ ‑nyɛ Zaa 'sɔ wa ‑sɛnɩɛ ‑sɩbhä nyɩbhɛlʋsɛ 'möö, ‑lɛ ‑zijlea 'wʋ a ‑nʋa, zuzuu 'bhuëëë ‑gömö. Ɛ'ɛ ‑bhö nyɩasɛ, ‑maa wa ‑yi sɛ nɩɩ, 'fʋ a nɩkpa a ‑muë 'nɩ 'bɔgʋ ‑yi 'mö wa glɩnɩɛ. 'N wa ‑yi'ɛ sɛ nɩɩ, Zezwii 'mö ‑gänɩ a‑a.

Zezwii a ‑nʋa, wa 'wuë wa ‑kä ‑lɛ glɩɩ, wa ‑wanɩ 'kwädlɩ 'yize, 'nyu 'nɩ 'plɩnuë jijo'wʋ. 'Wa ‑lii 'wuë wa ‑kälɩɛ ‑bhʋlʋbhlʋʋ, 'wʋ wa ‑gbɩɩɛ. ‑Bɛ 'nɩ nʋ nɩɩ, na 'yize a ‑liɛ dɛ'ɛ, ‑maa yɩ 'wuë 'wʋ wa ‑gbɩɩɛ. Sa'a ‑sɩbhä yɩ ‑wʋä.