Popular Bible Verses from Matthew 24

Share

“And, sin owerflowin, the love oʼ mony sal grow cauld. “But wha tholes to the hinner end sal be saved.

“And thir Gude‐tidins oʼ the Kingdom sal be preached in aʼ the warld for a testimonie to the nations; and then sal the end come.

“And ye sal hear oʼ weir, and aʼ the clash oʼ weir; but be‐na fleyt; for aʼ thae things maun come, but the end oʼ aʼ isna yet.

“For nation sal rise again nation, and kingdom again kingdom; and thar wull be dearth, and yirdins, in a hantle places; “Noo, aʼ thir things schaw the oncome oʼ travail.

“Heeven and yirth may pass awa, but my words sanna pass awa!

“For mony sal come in my name, sayin, ‘I am the Anointit Ane!’ and sal lead mony a‐gley.

“Than sal they gie ye up to dool, and sal slay you; and ye sal be hatit oʼ aʼ folk for the sake oʼ me. “Than sal mony stoiter; and they sal gie ane anither up, and sal hate ane anither. “And mony fause prophets sal rise, and lead mony a‐gley.

And Jesus answerʼt and quoʼ he, “Tak tent that nae man mistryst ye!

“Sae be ye aye ready! for ye ken‐na but at some ʼoor ye think‐na, the Son oʼ Man comes!

“Tak gude tent tharfor! for ye ken‐na on what day yere Lord comes!

“But, anent yon day and ʼoor, nane kens — no eʼen the Angels in Heeven — but my Faither alane.

“For thar sal rise fause Christs, and fause prophets, and they sal schaw unco signs and ferlies; sae as to lead awa, gin it war possible, eʼen the waled‐oot theirsels.

“For eʼen as it was in Noahʼs days, sae sal be the comin oʼ the Son oʼ Man. “For as iʼ thae days afore the Flude, they war feastin and drinkin, marryin and giean in wedlock, to the vera day Noah gaed intil the ark, “And kent na till the Flude cam, and soopit them aʼ awa; sae sal be the comin oʼ the Son oʼ Man.