Popular Bible Verses from Matthew 23

Share

“But the ane wha is greatest amang ye sal be the ane that serʼs.

“And whasae sal mak himsel heigh, sal be puʼd doon; and whasae sal abase himsel sal be upliftit.

“Wae for you, Scribes and Pharisees, pretenders! for ye tithe mint, and dill, and cummin; and pit awa the wechtier things oʼ the Law, justice, mercie and faith. Thir ye behoved to do — no leavin the ither undune.

“Wae for you, Scribes and Pharisees, pretenders; for ye dicht the ootside oʼ the cup and the dish, but within they are fuʼ oʼ reivin and riot!

“Eh, Jerusalem! Jerusalem! wha slays the prophets and stanes the messengers sent to her! Hoo aft and fain would I hae gaitherʼt thy bairns thegither, like as a hen gaithers her cleckin aneath her wings! — and ye wadna.

“Eʼen sae, ye hae the ootward seemin oʼ being holie men, but within ye are fuʼ oʼ fauseness and sin.