Popular Bible Verses from Luke 14

Share

“Gin ony ane is for comin to me, and hates‐na his faither and mither, and wife and weans, and brithers and sisters — aye, and his ain life as weel — he canna become my disciple!

“And whasae cairries‐na his ain cross, as he comes eftir me, canna be my disciple.

“For, ilk ane that exalts his sel sal be brocht doon, and wha humbles his sel sal be exaltit.”

“In like mainner, than, ilk ane amang ye, wha isna biddin adieu to aʼ his ain gear, canna be my disciple.

“For whatna man amang ye, ettlin to bigg a tooer, sits‐na doon first to reckon the cost? gin aiblins he has eneuch to finish it? “Least ance, eftir layin the fundation, and no bein able to finish it, aʼ wha seeʼt begin to jeer him, “Sayin, ‘This man begude to bigg, and wasna able to finish!’

“But whan ye mak an enterteenment, bring in the destitute, the silly anes, the lameters, and the blinʼ. “And happy sal be yere faʼ, that they canna recompense ye; for yeʼse hae yere recompense at the risin‐again oʼ the just!”

“Saut is gude; but gif aiblins the saut has turned waff and wersh, what sal ye saut it wiʼ? “It is naither fit for the field nor the midden; but it is cuisten oot‐by. Wha has hearin lat him hear!”