Popular Bible Verses from Lukö 8

Share

Gogolɩɩ ‑ɩ ‑bhlüü lä 'nägä‑dʋdʋʋ 'mnö nä, kɩ pana lä nynä nyɩkpaa' ‑nänʋä ‑kʋ ‑lɔɔ 'nɩ, wa nu Laagɔwälɩɩ, 'nɩ wa 'bhlünɩ 'titi pɔlö 'nänɛ 'mnö 'kʋ, 'nɩ wa bhɛnönɩ plɛkʋmɛnɔɔ 'mnö pleyi. Nä, wa ‑kä 'kɔɔkɔ Laagɔɔ' pɔlötɛtɛ, 'nɩ wa tlʋ 'bhü.

Gogolɩɩ ‑ɩ ‑bhlüü lä nünëa 'mnö nä, kɩ pana lä nynä nyɩkpaa' ‑nänʋä ‑kʋ ‑lɔɔ 'nɩ, wa nu Laagɔwälɩɩ. ‑Mä 'ylʋzɔɔ' bhobholɩɩ, ‑yä ‑mɔɔ' leylüü, ɩyä ‑mɔɔ' 'yii mɛnɔɔ, ɩ gbi Laagɔwälɩɩ 'wlu. Ɩ gbä nä, Laagɔwälɩɩ' tlʋ ‑wʋ 'bhü, 'nɩ ɩ 'kä zää.

Gogolɩɩ ‑ɩ ‑bhlüü lä cɛkwɩ‑dʋdʋʋ 'mnö nä, kɩ pana lä nynä nyɩkpaa' ‑nänʋä ‑kʋ ‑lɔɔ 'nɩ wa nu Laagɔwälɩɩ, 'nɩ wa 'bhlünɩ ‑pʋpɛɛ' 'kʋ. ‑Mä ‑lɔɔ' nyɩkpaa nä, waa' Laagɔwälɩɩ' 'ŋʋ ‑wʋ sikplii. Wa ‑kä pɔlötɛtɛ 'föö, ‑mä ‑zɔɔpälɩɩ kä ‑yi nä, kwa sä Laagɔ gwë.

'Nɩ ɔ yi ɔɔ' 'kʋgënyʋa 'ylä, ɔ lä anyɩa' pɔlötɛtɛɛ, ‑a sɛ bhä? ‑Mä ‑ŋänö ‑plʋwa, 'nɩ plɛkʋ 'niniwa‑ 'sɩɩ nä wa sonö sonö bhɛ, wlä ‑maa, nyɩkpɔɔ' 'cësa bhä 'titi 'nɩ ɔ soo bhä ‑vʋvɔlʋ ‑yä 'nyie 'sɔ 'nɩ ɩ ŋʋɔ bhä 'klʋkpää?

Gogolɩɩ ‑ɩ ‑bhlüü lä ‑blɔ ‑gbäkö nä, kɩ pana lä nynä nyɩkpaa' ‑nänʋä ‑kʋ ‑lɔɔ 'nɩ, wa nu Laagɔwälɩɩ, ‑mä 'Dëvlo yi 'nɩ ʋ sʋwanyɩ pleyii. Kä 'Dëvlo nʋ lä sɔɔ ‑yä, lɔɔ' nyɩkpaa' kä ‑kä pɔlötɛtɛ kää, ɩyä waa' kä ‑kä ‑lɔɔ nëë ‑bha.

Nä, ‑lɩɩ 'fɩɩn ‑ɩ ‑zizio bhlä 'kʋ nä, ɩ yi 'yi nio. 'Nɩ ‑lɩɩ 'fɩɩn ‑ɩ nʋɔ bhlä ‑kotu 'kʋ nä, ɩ yi zëkpë 'kʋ ghlä.

‑Mä 'ŋnɔɔ ‑yibhë lä sɔɔ nynä Zozii yä sɔɔ yibhë nynä wa 'tanöɔ nä, ɔɔ' ‑lɔɔ yëku tɩtɛ bhɛ nä, kɔ ‑yi 'nɩ ɔ yi Zozii dëlüü bhlüü. 'Nɩ wälɩɩ ‑ɩnö ‑zä ɔ 'tanöɔ‑ lä nä, 'nɩ sɩ plöö‑ lä 'kʋ 'nɩ ɔ ‑yamä lä 'kpobhuu ‑bhlo 'kʋ nä, 'ŋnɔɔ yi sɔɔ 'mʋ ‑säsä nyɩkpa 'fɩɩn 'klʋ. Ɔ cii‑ lä sɔɔ nä, 'nɩ Zozii yio soo, ɔ lä 'naa 'yunɔ, ‑naa pɔlötɛtɛɛ yä‑ä puë ‑mä ‑n mʋʋ 'kʋ wɔtɔlɩɩ!

'Nɩ 'kʋgënyʋa yio gälɩä wlä Cɩanyɔ‑! Cɩanyɔ‑! Kä ‑a ku lä! ‑Mä Zozii ‑glɔɔ lä nä, kɔ 'ŋʋʋ didee ‑vʋvɔlʋʋ 'yizlɛ 'kʋ nynä ʋ doo yɩ. 'Nɩ 'nyilakwɩɩ yi ‑dʋdʋkʋ yi, 'nɩ ‑dʋdʋkʋ yi 'plö ‑siin!