Popular Bible Verses from Zään 1

Share

‑Maa, ‑nänʋä ‑wa 'mänyɩnöɔ‑ lä nä, 'nɩ ‑wa ‑kä lä ɔɔ' pɔlötɛtɛ nä, ɔ ‑gbä 'nɩ wa 'plöö‑ Laagɔɔ' 'yuëë'.

‑Bhɔɔdää, 'fɩa ‑yä 'kɔɔn kä 'wlʋ nä, ‑ɔ plöö‑ lä Ciciwälɩɩ nä, ɔ ‑kʋ bhä. Kä Ciciwälɩ ‑yä Laagɔ 'sɔ ‑kʋʋ bhä 'kʋ, 'nɩ Ciciwälɩ plöö‑ bhä Laagɔ.

Zëlüü ‑ŋänɩä 'cucuu 'mnö ‑mä, 'cucuu 'nɩɩ ‑wʋ 'casɩ nyɛɛ‑.

Ciciwälɩ ‑jɩjlää nyɩkpɔɔ', 'nɩ ɔ ‑yi 'nɩ ɔ ‑kʋ‑anyɩ nëëdë 'nɩ ‑a nii‑ ɔɔ' 'klʋagbaa 'yi. Laagɔ ‑Yowlio ‑bhlo 'coo ‑ɔ ‑bha lä 'Bäɔ yëku nä, ɔɔ' 'klʋagbaa, ‑a nia‑ 'yi. Ɔ ‑glö bhä 'zaazɩ plɛkʋmɛnɔnyɔ ‑yä ‑nʋawlɛɛcinyɔ.

Ɔmɔ 'kʋ Laagɔ ‑ghlää 'nɩ ʋ ‑nʋ ‑lɩɩ 'fɩɩn. 'Nɩ ‑lɩɩ 'fɩɩn‑ ‑kʋ lä 'ylʋzɔɔ nä, lʋʋ' ‑lʋʋ Ciciwälɩɩ' ‑wʋ lä ‑nʋ nä, ʋʋ' ‑wʋ ‑kʋ. Ciciwälɩ 'mnö ‑mɔɔ 'pʋpʋɛ ‑kʋ, 'nɩ 'pʋpʋɛ ‑yi 'nɩ a plöö‑ 'ylʋzɔkʋnyʋää' zëlü.

Zeli ‑ze ylä nä, Zään nii‑ Zozii 'yi 'nɩ ɔ yinöɔ bhä. 'Nɩ Zään yi ci, ɔ lä a ni Laagɔɔ' 'bhabhlö‑yuo! Ɔmɔɔ‑ sä lä 'ylʋzɔkʋnyʋää' nyenyii yëku.

‑Ɔ plöö‑ lä Ciciwälɩɩ nä, kɔ ‑kʋ 'kɔɔkɔ 'ylʋzɔɔ. Ɔmɔ 'kʋ Laagɔ ‑ghlää 'nɩ ʋ ‑nʋ 'kɔɔn, ‑mä 'ylʋzɔkʋnyʋä nä, wa 'nöɔ ‑wʋ ‑yibhë. Ɔ ‑yi ɔmɔ 'titii' dää 'nɩ ‑lɔɔ' nyɩkpaa 'nöɔ ‑wʋ 'mänyɩ‑.

Zëlüyɩ nä, ɩmɩɩ‑ plöö‑ bhlä zëlüü 'titi. Kɩ ‑yi ‑mää 'ylʋzɔɔ 'nɩ ɩ ŋänɩä lä nyɩkpaa 'fɩɩn 'kʋ.

‑Jlämaa nä, Moyizö 'kʋ Laagɔ ghlää‑ 'nɩ ʋ ‑laa, ‑mä plɛkʋmɛnɔ ‑yä ‑nʋawlɛ nä, Zozi Klisö 'kʋ Laagɔ ghlää‑ 'nɩ ʋ panö‑anyɩmɩ.