Popular Bible Verses from 1 CHANRELNAK 29

Share

Maw BAWIPA, lianhngannak le ṭhawnnak le sunparnak le teinak le upatnak cu nangmah ta an si ko; zeitintiah vancung le vawlei cung i a ummi thil vialte cu nangmah ta an si dih; maw BAWIPA, pennak cu nangmah ta a si i nangmah cu zeizong vialte cungah cungnung bik na si.

Rumnak siseh upatnak siseh nangmah sinin a rami an si i nangmah nih zeizong vialte kha na uk dih. Na kut chungah hin ṭhawnnak le thazang an um i na kut chungah hin mi vialte nganter khawhnak le thazang pek khawhnak a um.

“Sihmanhsehlaw hi bantukin kannih nih lungtho tein kan in pekchanh khawh nakhnga caah hin keimah cu ahodah ka si i ka mi hna cu zeidah an si? Zeitintiah zeizong vialte cu nangmah sinin a rami an si i kan in pekmi hi nangmah ta lila a si ko.

Cucaah kan Pathian, nangmah cu kan in lawmh i a sunglawimi na min cu kan thangṭhat.

Cucaah David nih BAWIPA cu aa pummi vialte hmaiah cun a thangṭhat i David nih cun, “Maw BAWIPA, kan pu Israel i Pathian, nangmah cu zungzal thluangthluan in thangṭhat na si ko.