Popular Bible Verses from रोमी 14

Share

किनकि परमेश्‍वरको राज्य खाने र पिउने कुराको बारेमा होइन, तर पवित्र आत्मामा धार्मिकता, शान्ति र आनन्द हो। किनभने जसले ख्रीष्‍टलाई यस प्रकारले सेवा गर्दछ, त्यसले परमेश्‍वरलाई प्रसन्‍न तुल्याउँछ र मानिसहरूबाट स्वीकृत हुन्छ।

यदि हामी जिउँछौं ता प्रभुको निम्ति जिउँछौं; यदि मर्छौं ता प्रभुको निम्ति मर्छौं। यसकारण हामी चाहे जिऔं वा मरौं, हामी प्रभुकै हौं।

हामी हर प्रयास ती कुराहरूमा लागौं, जसले शान्तिमा डोर्‍याउँछ र पारस्परिक उन्‍नति गराउँछ।

यसकारण हामी एक-अर्काको न्याय गर्न छोडौं। बरु आफ्नो मनमा दाजुभाइ वा दिदीबहिनीका बाटोमा बाधा हुने वा ठेस लाग्ने कुनै चीज नराख्ने सोच गरौं।

धर्मशास्त्रमा यसरी लेखिएको छ: “ ‘म जो जीवित छु, शपथ खान्छु,’ प्रभु भन्‍नुहुन्छ, ‘प्रत्येक घुँडा मेरो सामु टेकिनेछ; प्रत्येक जिब्रोले परमेश्‍वरलाई स्वीकार गर्नेछ।’ ” यसकारण हामी प्रत्येकले आफ्नो हिसाब परमेश्‍वरलाई दिनुपर्नेछ।

विश्‍वासमा कमजोर भएका अरू विश्‍वासीहरूलाई स्वीकार गर, र उनीहरूका विचारमा विवाद र झगडा नगर।

अर्काको सेवकलाई न्याय गर्ने तिमी को हौ र? त्यस सेवकको स्थिरता वा पतन त्यसको मालिकको हातमा निर्भर हुन्छ। तिनीहरू स्थिर रहनेछन्, किनकि प्रभु तिनीहरूलाई स्थिर गराउन सक्षम् हुनुहुन्छ।