Popular Bible Verses from रोमी 13

Share

बरु प्रभु येशू ख्रीष्‍टलाई धारण गरेर जिऔं, र आफ्ना पापमय स्वभावका अभिलाषा पूरा गर्न मन नलगाओ।

पारस्परिक प्रेमबाहेक अरू कुनै कुराको निम्ति अरूको ऋणी नहोओ; किनकि जसले आफ्नो छिमेकीलाई प्रेम गर्दछ, त्यसले व्यवस्थालाई पूरा गरेको हुन्छ।

प्रत्येक व्यक्‍ति राज्यका अधिकारीहरूप्रति आज्ञाकारी होओ, किनकि परमेश्‍वरले नियुक्‍त गर्नुभएको अधिकारबाहेक अरू कुनै अधिकार हुँदैन। वर्तमान अधिकारीहरू सबै परमेश्‍वरबाटै नियुक्‍त भएका हुन्छन्।

रात बित्नै लागेको छ; मुक्‍तिको दिन एकदमै नजिक छ। यसकारण अब हामीले अन्धकारको कामलाई त्यागेर ज्योतिका हातहतियार धारण गरौं।

प्रेमले छिमेकीलाई हानि पुर्‍याउँदैन। यसकारण प्रेम व्यवस्थाको पूर्ति हो।

तिमीले जसलाई दिनुपर्ने कुरा छ, चुक्‍ता गरिहाल: कर तिर्नुपर्दछ भने तिरीहाल, राजस्व दिनुपर्दछ भने देऊ; यदि डर मान्‍नुपर्ने हो डर मान; यदि इज्जत गर्नुपर्ने हो भने इज्जत गर।