Popular Bible Verses from प्रकाश 14

Share

तब मैले स्वर्गबाट आएको एउटा आवाजले यसो भनिरहेको सुनें, “यो लेख: अबदेखि उसो प्रभुमा मर्नेहरू धन्यका हुन्।” आत्मा भन्‍नुहुन्छ, “हो, तिनीहरूले परिश्रमबाट विश्राम पाउनेछन्, किनकि तिनीहरूका काम तिनीहरूका साथ लाग्नेछन्।”

परमेश्‍वरका आज्ञाहरू पालन गर्ने, अनि येशूप्रति विश्‍वासयोग्य भइरहने परमेश्‍वरका जनहरूको धीरज र सहनशीलता यसैमा हुनुपर्छ।

तिनले चर्को सोरले भने, “परमेश्‍वरसित डराओ, अनि उहाँलाई महिमा देओ, किनकि उहाँको न्यायको बेला आएको छ। उहाँको आराधना गर, जसले स्वर्गहरू, पृथ्वी, समुद्र र पानीका मूलहरू बनाउनुभयो।”

अनि ती दुईका पछि एकजना तेस्रो स्वर्गदूतले आएर चर्को सोरले भने: “यदि कसैले त्यस पशु र त्यसको मूर्तिलाई आराधना गर्छ र त्यसको छाप निधारमा अथवा हातमा लगाउँछ भने, त्यसले पनि उहाँको क्रोधको कचौरामा केही नमिसाई तयार गरिएको परमेश्‍वरको क्रोधको कडा मद्य पिउनेछ। त्यसलाई पवित्र स्वर्गदूतहरू र थुमाको उपस्थितिमा जल्दै गरेको गन्धकमा यातना दिइनेछ। अनि तिनीहरूका यातनाको धूवाँ सदा-सर्वदा उँभोतिर गइरहनेछ। जसले त्यो पशु र त्यसको मूर्तिको आराधना गर्छन् र जसले त्यसको नाउँको छाप लगाउँछन् तिनीहरूले दिनरात आराम पाउनेछैनन्।”

तब मैले हेरें, अनि मेरो सामु सियोन पर्वतमा थुमालाई उभिरहनुभएको देखें, उहाँसँग एक लाख चवालीस हजारलाई देखें, जसको निधारमा उहाँको र उहाँका पिताको नाउँ लेखिएका थिए।

तब मैले बीच आकाशमा उडिरहेका अर्को स्वर्गदूतलाई देखें, अनि तिनीसित पृथ्वीमा बस्‍नेहरू, प्रत्येक राष्ट्र, कुल, भाषा र जातिहरूलाई घोषणा गर्नुपर्ने अनन्तको सुसमाचार थियो।

दोस्रो स्वर्गदूतले पनि आएर भने, सबै राष्ट्रहरूलाई आफ्नो व्यभिचारी कामवासनाको मद्यको कचौरा पिउन लगाउने, “महान् शहर बेबिलोनको पतन भयो! पतन भयो।”