Popular Bible Verses from 2 कोरिन्थी 1

Share

हाम्रा प्रभु येशू ख्रीष्‍टका परमेश्‍वर अनि पितालाई प्रशंसा होस्, जो करुणाका पिता, अनि सबै सान्त्वनाका परमेश्‍वर हुनुहुन्छ, जसले हाम्रा सबै सङ्कष्‍टहरूमा हामीलाई सान्त्वना दिनुहुन्छ, ताकि कुनै पनि सङ्कष्‍टहरूमा परेकाहरूलाई हामीले परमेश्‍वरबाट पाएका सान्त्वनाबाट सान्त्वना दिन सकौं।

किनकि जसरी हामी ख्रीष्‍टका कष्‍टहरूमा सहभागी हुन्छौं, त्यसरी नै ख्रीष्‍टद्वारा हाम्रो सान्त्वनामा पनि वृद्धि हुन्छ।

निश्‍चय नै हामीले मृत्युदण्डको अनुभव गरिरहेका थियौं। तर यस्तो हुनुको कारणचाहिँ हामीले आफूमाथि भरोसा नगरेर मरेकाहरूलाई पुनर्जीवित पार्नुहुने परमेश्‍वरमाथि भरोसा राखौं भनेर नै हो।

अब परमेश्‍वरले नै हामी अनि तिमीहरूलाई ख्रीष्‍टमा दृढतासाथ खडा राख्नुहुन्छ। उहाँले हामीलाई अभिषेक गर्नुभएको छ, र उहाँले हामीलाई आफ्नो स्वामित्वको छाप हामीमा लगाउनुभएको छ; अनि अब के हुन आउनेछ भन्‍ने पक्‍का गरेर, पहिलो किस्ता स्वरूप हाम्रा हृदयमा उहाँको आत्मा दिनुभएको छ।

यदि हामी यातनामा पर्छौं भने योचाहिँ तिमीहरूकै सान्त्वना र मुक्‍तिको निम्ति हो, यदि हामीले सान्त्वना पाउँछौं भने यो तिमीहरूकै सान्त्वनाको निम्ति हो, जसले हामीले भोगेका तिनै कष्‍टहरू भोग्न तिमीहरूमा धैर्यशील सहनशीलता उत्पन्‍न गराउँछ।