Popular Bible Verses from 1 यूहन्‍ना 2

Share

संसारलाई वा संसारमा भएका कुनै पनि थोकलाई प्रेम नगर। यदि कसैले संसारलाई प्रेम गर्छ भने, पिताको प्रेम त्यसमा हुँदैन। किनकि संसारमा भएका सबै थोक; शरीरको अभिलाषा, उसको आँखाहरूको अभिलाषा र ऊसँग भएका जीवनको शेखी पिताबाट आएको होइन, तर संसारबाट आएको हो।

अनि संसार र त्यसका अभिलाषाहरू बितेर जान्छन्, तर परमेश्‍वरको इच्छाअनुसार गर्ने मानिस सधैंको निम्ति जीवित रहिरहन्छ।

उहाँमा जिउँछु भनी दाबी गर्ने व्यक्‍ति येशूजस्तै जिउनुपर्छ।

मेरा प्यारा साना नानीहरूहो, तिमीहरूले पाप नगर भनी म यी कुराहरू तिमीहरूलाई लेख्‍दछु। तर यदि कसैले पाप गर्‍यो भने पितासँग हाम्रो बचाउका निम्ति बोलिदिने हाम्रा एक अधिवक्‍ता हुनुहुन्छ अर्थात् धार्मिक जन, येशू ख्रीष्‍ट

कसैले “म उहाँलाई चिन्दछु” भन्छ, तर त्यसले उहाँको आज्ञा पालन गर्दैन भने त्यो झूटो हो, र त्यसमा सत्य छैन।

यदि हामीले उहाँका आज्ञाहरू पालन गर्‍यौं भने त्यसैबाट हामीले उहाँलाई चिनेका छौं भनी थाहा पाउँछौं।

कसैले आफू ज्योतिमा छु भनी दाबी गर्छ, तर आफ्ना दाजुभाइ-दिदीबहिनीहरूलाई घृणा गर्छ भने, त्यो अझै पनि अन्धकारमै छ।

झूट को हो? येशू नै ख्रीष्‍ट हुनुहुन्छ भन्‍ने कुरा इन्कार गर्ने मानिस नै झूटो हो। त्यस्तो मानिस नै ख्रीष्‍ट विरोधी हो, त्यसले पिता र पुत्रलाई इन्कार गर्दछ।

पुत्रलाई इन्कार गर्ने कुनै पनि मानिससँग पिता हुनुहुन्‍न जसले पुत्रलाई स्वीकार गर्छ, त्यससँग पिता पनि हुनुहुन्छ।