Popular Bible Verses from मत्ती 27

Share

लमसम ती बोजे यीशुए बौड़ै शब्द शै पुकारैबा बौल़ौ, “इलोई, इलोई, लमा शबकतनी?” जिथका मतलब ऐजा औसौ, “ओए रै मैरै पौरमेशवर तुऐं मुखै किथुखै छोड़े दिया?”

तोबै सैजा मोटा पोरदा जू यरूशलेम मन्दिर दा टांगेयोंदा थिया, ऊपरौ दा धैनै तौड़ी फाटेबा दौ टुकड़ै हौए गौआ। औरौ धोरती हिंजल़ी गौए औरौ चट्टान तिड़कै गौए। औरौ कब्रो खोले गोई, औरौ मौरेयौंदे पवित्र लोगौ की बौहिती लाशो जियुंदी होई।

तोबै यीशुए बौड़ै शब्द शै बौलेयौ, आपणै प्राण छोड़े।

तोबै सूबेदार औरौ जिनिए तैसकै साथै यीशु कै रोखवाल़ी कौरे लोए थै, भुईचोल़ औरौ जू किछै हौए रौ थियु, दैखैबा डौरे गौवै, औरौ बौल़ौ, “सौथीखै ऐजा आदमी, पौरमेशवर का बैटा थिया।”

दुफारियौ दै ऊबै ती बोजे तौड़ी तैसी सारै देशो दौ इनारौ छाएयौंदौ रौ।

पिलातुसे तिनुआदो पूछु, “तोबै यीशु खै जैसकै मसीह बौल़ौ, का कौरणौ?” सौबीए तैसी बौल़ौ, “यीशु खै क्रूसो पांदी किलियों खत्म कौरौ।” राज्यपाल पिलातुसे तिनुखै बौल़ौ, “किथुखै, ऐणै का बुरु कौरे राए?” पौरौ सैजै हौजौ बै लेलयाए लैलियायो बौलदै लागै, “तैसीखै क्रूसो पांदी चौढ़ाव।”