Popular Bible Verses from प्रेरितो कै काम 3

Share

औरौ पाप कौरणा छोड़े दैंव, औरौ पौरमेशवर कै ढौबौ पाछु आव कै तोंवारै पाप माफ कौरे जांव जिथलैई तुऔं पांदी पौरमेशवर कै ढौबौशा आत्मिक शौकतै का सौमय आन्दा।

तोबै पतरसे बौल़ौ, “चांदी औरौ सूनु तौ मुंआगै ना आथी पौरौ जू मुंआगै औसौ; सैजौ हांव ताखै दियु; नासरत गांव कै यीशु मसीह कै नांव शै ऊबा बिज़ औरौ हांडदा फिरदा लाग।”

तोबै पतरसे तैसका सोंवा हाथ थाम्बैयौ कै तैसी टिपा; औरौ तौलोंई तैसकै लातो औरौ घुंडू दै तागत आए गौए। सै उछल़ैयो खौड़ा हौए गौआ औरौ चालदा फिरदा लागा औरौ चालदा औरौ उछल़ैयो-कुदिंदा औरौ पौरमेशवर कै बौड़ाए कौरदै बैई तिनकै साथै मन्दिर कै आँगणो दा हौटा।

औरौ मसीह यीशु पांदी बिशवाश कौरणौ कै दवारा ऐजा आदमी बिल्कुल ठीक हौए गौआ, औरौ तुऐं जाणौए कै ऐजा कैशणा अपंग थिया औरौ तुंआरी आखी कै सामणै मसीह यीशु कै नांव दै बिशवाश कौरणौ की बौजैह शै ऐसी चंगाए भैट रौए।”