Popular Bible Verses from MARKU 13

Share

Bañaan bëlieng, bu ka bër ind undo katim nji; maa nan tambandari te tsi utuami, në buerana.

Nda rukan ibats, nduu waay, nduu ñaan, par nda meets uwal wi uu ci wi.

Uci ba tsëpand ind ee gutsar bukul, ind tsë wejats ko wi nda ka wi pëja. Maa, ko wi nda a wi pëja tsi uwal umënts wun, nda jaan; par cits ind ka ñakan bukun, maa Uwejats-ujënts.

Batsi ni utsia ka par, maa irim nji di ka par yaas.

Maa, tsi uleka unu umënts oo uwal umënts, ñaan meets; nin ngëwaanju di batsi, nin Abuk, aci koon Asin.

Maa, uwal wi ndu te wi ukam kë kamaa, a bañaan kë ñakan ngi kan par ngi tsi ukam, ind tsë lënk; ngëko ngëmënts ngan aka pëci, maa netse ci utuami.

Bi u ci bank, nda moban tsi kawaay, par nda meets uwal wi ajug kato kë baandi wi; u ci ank bëtakala, oo myëŋ ucaak, oo uwaan uguk, oo bëfa búŋ bi nu baandi bun; pëlënk pëjaa, upúutsiul wun pëbaandi, në tsënki nda ci tsi bëŋooy. Ko wnja ind wi, ma nja pa bañaan bëlieng: ‘Nda waayan!’”

Par ucaak ka natsara pëkaman ucaak ucints, pësien ka natsara pëkaman pësien pëcints. Utsia koo siintsar tsi ngëleka ngëcumal, ubon kuu ci buts. Ngëmënts ngan aci ujuundi urear uliaf-kabuk.

Maa, Upetsan-uwar aka bërun pëleentsa bañaan ban cits biki Bajudeu bëlieng.

Par bacumal ka biini tsi katim nji, bu kë ja: ‘Aci nji.’ Bu ka fal bañaan bacumal.

Nda rukan ibats, par bu ka gutsar ind ito kawat-pëleents, a di ito-ijúki, bu ka tucan ind. Tsi undo nji, nduu tsëpanda tsi bërun ba tsijëna-këboos, ni tsi bërun basien; unk, ndë piban bukul nda ci ba maatir biki ngan dola ngi.

Par barata batsup, ni bayëlia batsup, bu ka natsa, bu kë ro ngëpibanaani, ni ngëko ngan pikran ngi, pa puu falëna bañaan, te ŋal ban data biki, uci u yëla bëro.

Maa tsi ngënu ngëmënts ngan, upar unoor umënts wun, unu ka witsa u rëmënts, pëli di ka ufac pul, ngëpesaj ka pëni di batsi nga yëri, myëlan man ci mi di batsi ka siints-siintsana.