Popular Bible Verses from NGËRO 1

Share

Maa ndu yank pëyëlan, uwelee Uwejats-ujënts tsi ind, din ndë ci bamaatir ngëmíñ, di Jerusalem, unk buts di Judeeya bëlieng, ni di Samaaria, te di ngëntsañi umundu.”

Na yankës bukul aja: “Nda kaats pëme ngëwal oo ngënu ngi Asin tsu ngi, tsi pëyëlanul bërierul.

Bi na ci bi tsi bariala ni bukul, na ja bukul: “Ind tsë pën tsi Jerusalem; nda lipan ko wi Asin watsan wi, a nda te wul tsi mtum nji. Par Joŋ amijanaan mlik, maa ind, tsini ngënu ngi, ndu mijana di Uwejats-ujënts.”

A tsi bamënts biki buts a na pibandar na kak aci nayësal, ni ngëpiban gëcumal bi na ba bi unoor, a nuu cili tsi bukul tsiun ngënu ngëntaaja ngëbaakër gun, a nuu ñakan ngëko pësien Nasien-batsi.

Ubaul pëja irim yan, a bu kë teenul, a nu tsëpanda ruets, a kasa bi ee kúndul tsi këkës bukul.

Bi ba wama bi kaŋan këkës di batsi bi Yeesu kë tsëpanda bi, bayënts batëb ban tiema biki iŋi ifaacal cili tsi kawok bukul; a ba ja: “Bayënts Galileeya, we ka wun nda nats a nduu teen batsi? Yeesu, nul nan jeja ink tsi pëncuaf ind atsëpanda batsi, unk ri nu witsee run bi nda winul bunk a nuu tsëpanda batsi.”