Popular Bible Verses from लूका 7

Share

ऐठणीरै तेईनी तु समझि लै कि ऐसेरै पाप जै बड़ै जादा थ्यै, सै माफ भुवै, केईनी कि ऐसै जादा प्रेम केया; पण जेसेरै थोड़े पाप माफ भुवै सै थोड़ा प्रेम काता। जां यीशु तैस जनेनी सिंउ बौलु, “तिंडै पाप माफ भुवै।”

पण यीशु तैस जनेनी सिंउ बौलु, “परमेश्वरै तु बचा लियौरी आ, केईनी कि तीं मूं पन विश्वास केया ऐठणीरै तेईनी शांति सिंउ चलि गा।”

जां लैरी दींति यीशु पिचालीं तेसेरै पैयिड़ा किनि खड़ी भौ गैई। सै अपड़ै आशुवे ला तेसेरै पैयिड़ धूंणा जां अपड़ु शिरै ला तेसेरै पैयिड़ पुछणा लगी; जां तेसेरै पैयिड़ानि घड़ि-घड़ि फोकु दी करि तैन्हांं पन इत्रैरा तैल मअति थी।

ऐठणीरै तेईनी मीं अपांणा ऐस काबिल बि ना समझा कि आंउ ताउ किनि ऐईछूं, पण तु जबानी ला वचन ऐ बोलि दै ता मिंडा दास ठीक भौ गांहणा। आंउ बि कोसक्यै होरेरै आधीन आ; जां सिपाहि मिंडै अधिकारा मझ अत्तै जां जेख्णी आंउ ऐकिनि बोलता कि गा ता सै गांहथा जां होरैनि बोलता कि आ, ता सै ऐईंता जां अपड़ै कोसक्यै दासनि किछ कांननी बोलता, ता सै तैस काता।” ऐक्यु शुणि करि यीशु हैरान भौ ग्या जां तेनी मुँह फैरी करि तेसै भीड़ि सिंउ जै तैस पिचालीं ऐईंती थी बौलु, “आंउ तुहांनि सच बोलता कि मीं इस्राएल मझ बि ऐतिया विश्वास ना लधा।”

तैस टैंमा यीशु बड़ै-सारै मैहणु बिमारिया किना ठीक कियै, दुखा जां बुरी आत्माईया किना छडाय जां बड़ै-सारै कांणै मैहणु ठीक कियै। जां तेनी यूहन्नेरै चैला सिंउ बौलु, “जै किछ तुहैं तकाउ जां शुणु, गहि करि यूहन्ने सिंउ बोलि देया कि कांणै तकांतै अत्तै, लटै चलतै-फिरतै अत्तै, कोढ़ी ठीक करियूंतै अत्तै, टंउणै शुणतै अत्तै, मुड़दै जींतै करियूंतै अत्तै, जां गरीबनी खुशखबरी शुणईयूंति आ।