Popular Bible Verses from लूका 6

Share

दियां करा ता परमेश्वरा तुहांनि बि दींणु। मैहणुवां पूरा नाप दबा-दबा करि जां हिलाई-हिलाई करि उछुई करि तुवाड़ै खोक्खा सुटणु। परमेश्वरा बि तुहां सेईतै तिहियें व्यवहार कांना जिहीं तुवे होरनियां सिंउ कातै। तिहियें तुवाड़ा बि न्याय भूंणा।”

भला मैहणु अपड़ै मंनेरै भलै भंडारा किना भली गलै कढता, जां बुरा मैहणु अपड़ै मंनेरै बुरै भंडारा किना बुरी गलै कढता केईनी कि जै मंना मझ भरौरू आ सैहै तेसैरू मुहां पन ऐईंतु।

बल्कि तुवे अपड़ा दुशमणा सिंउ प्रेम करा, जां तेन्हैरी भलाई करा, जां फिरी उधार दी करि लींणैरी आशा मेईं रखा। तां ऐ तुवाड़ै तेईनी बडा ईनाम भूंणा, जां तुवे परमप्रधान परमेश्वरेरै बच्चै भूंणै, केईनी कि सै तैन्हांं पन बि जै धन्यवाद ना कातै जां जै दुष्ट मैहणु अत्तै दया काता।

जेतिया तुवाड़ा पिता दयावान आ तेतियै तुवे बि दयावान बणां।

“दोष मेईं ला, ता तुहां पन बि दोष ना लगणा। कोसेरा बि फैसला मेईं करा, ता तुवाड़ा बि फैसला ना करियूंणा। माफ करा ता तुहांनि बि माफ करियूंणु।

“आंउ तुहां मैहणुवां सिंउ जै मिंडी गलै शुणतै अत्तै, ऐ बोलता: कि अपड़ै दुशमणां सिंउ प्रेम करा; जै तुहां सिंउ बैर रखतै तेन्हैरा भला करा।” जै तुहांनि श्राप दींतै, तेन्हांनि आशीष देया; जै तुवाड़ी बेजती कातै तेन्हैरै तेईनी प्रार्थना करा।

जेतिया बर्ताव तुवे चांहथै कि, मैहणु तुहां सिंउ करिया, तुवे बि तैन्हांं सिंउ तेतिया ऐ बर्ताव करा।

जै तिंडि एकि तलवड़ी पन थप्पड़ मारिया, तैस धेरै होरी तलवड़ी बि करि दै; जै तिंडा कौट लै गहिया, तेसनी कुरता बि कढि करि दी दै। जै कौ ताउ किना कोई चीज मगिया, ता तु तेसनी दै, अगर जै तिंडि कौ चीज लै गहिया, ता तैस किना मेईं मगै।

कौ बि अच्छु बुट, बुरा फल ना दींतु, जां ना कौ बुरू बुट अच्छा फल दींतु।

हर कौ बुट अपड़ै फलै ला पछियांणियूंतु, केईनी कि मैहणु झिल्हा किना अंजीर ना त्रोड़तै जां ना करेरिया किना अंगूरा केरै गुच्छै त्रोड़तै।