Popular Bible Verses from यहुन्ना 6

Share

यीशु उत्तर दित्ता, “अनन्त जीवन दींणै बाई रोटी आंउ आ, जै मूं किनि ऐईंता सै कदि भ्रुख्णां ना रींहणा, जै मूं पन विश्वास काता, तेसनी कदि त्रिश ना लगणी।

परमेश्वरैरा आत्मा ता जीवन दींणारा, शरीरा किना कोई फायदा ना; जै गलै मीं तुहांनि बोलोरी अत्ति सै पवित्र आत्मायरी सामर्थी सिंउ बोलियुंति जां सै गलै मैहणुवंनी अनन्त जीवन दींति।

तैन्हांं रोटिया केरै तेईनी मैहनत मेईं करा जै अक धियाड़ि शड़ि गांहणी, पण तैन्हांं रोटिया केरै तेईनी मैहनत करा जेनि ला अनन्त जीवन मेईंता, जै रोटी मैहणुरै पुत्रा मतलब मूं दींणी; केईनी कि पिता परमेश्वरै मूंनी ऐ हक दितौरा।”

केईनी कि मिंडै पिता परमेश्वरेरी मर्जी ऐ आ कि जै कौ मैहणु मूं तका करि मूं पन विश्वास करैला तेसनी अनन्त जीवन मेईंणा; जां मूं सै फैसलेरी धियाड़ि दुबारे जींतैरी दींणा।”

यीशु तेन्हांनि उत्तर दिता, “परमेश्वरेरी ऐ मर्जी आ कि जै तेनी भेईजौरा, तैस पन तुवे विश्वास करा।”

जै मैहणु पिता परमेश्वरै मूनी दितोरै अत्तै, सै सभ मैहणु मूं ऐ किनि ऐईंणै जां जै कोई मैहणु मूं किनि ऐईला सै मूं कदि ना छडणा।

शमौन पतरसै तेसनी उत्तर दिता, “हे प्रभु! असु कोस किनि गांहणु? अनन्त जीवन दींणेरी गलै ता ताउ किनि अत्ति।

जीवनेरी रोटी जै स्वर्गा किना उतरोरी आ सै आंउ आ, जै कौ ऐसै रोटी खाला ता सै हमेशा जींता रींहणा; जां जै रोटी मूं संसारेरै मैहणुवां केरै जीवनेरै तेईनी दींणी सै मिंडा शरीर आ।”

जेनि पिता परमेश्वरै आंउ भेईजौरा, ज्यो तेईनी तेसैरी मर्जी ना भुईया त्यो-तेईनी मूं किनि कौ बि ना अईछी सकता जां जै मूं किनि ऐईला सै मूं फैसलेरी धियाड़ि फिरी दुबारे मौरा मझां जींतैरी करि खड़ा कांना।

केईनी कि परमेश्वरेरी दितोरी रोटी सै आ, जै स्वर्गा किना उतरि करि संसारैरा मैहणुवंनी जीवन दींति।”

अनन्त जीवन दींणै बाई रोटी आंउ आ।

तां यीशु रोटी लै लेई जां परमेश्वरैरा धन्यवाद करि-करि बेठौरा मैहणुवां मझ बंडि दित्ती; तिहियें मछली बि जिहीं सै चांहथै थ्यै, बंडि दित्ती। जेख्णी सारै मैहणु खा करि रजि ग्यै, ता यीशु अपड़ा चैला सिंउ बौलु, “जै बचि गियोरै टुकड़ै अत्तै तैन्हांं बटौय ल्या, कि कौ बि रोटी ऐहियें बर्बाद ना भुईया।”

लगभग पंज-छी किलोमीटर किश्ती चलांणा किना बाद चैलै तकाउ कि यीशु झीलि पन हँठि करि किश्ती नीड़ आ ऐईंता। तां सै डरि ग्या। पण यीशु तैन्हांं सिंउ बौलु, “डरा मेईं आंउ आ।”