Popular Bible Verses from KAWLAWSIE 3

Share

Phan pui tix kaux kaux koe dee deuh phimap ka pui tix kaux kaux, tix kaux lai tix kaux yeung ka paox tix, pluat ploi phimap ka paox tix, awm hoik pluat ploi Cao Khrit phimap pex, pex kawx yuh awm an heue.

Kieh rhawm pex keud grawng ceu pa koe dee long, paw keud grawng ceu pa koe ka piang haktiex khankix heue.

Pex yuh patix ang ah, viex rhawm coca ti yuh, awm pa yuh son Simiang Siyiex, paw yuh awm pa yuh son kawn pui heue.

Awm pui pa hoik laug Simiang Siyiex, pa singax singeh, pa moh kah, pex ceep ceu pa moh rhawm, pa caux rhawm, pa mhawm rhawm, pa tiem rhawm tiem rhi, pa awn rhawm awn rhi, pa lang gun lang yeung heue.

Kieh gumlox Cao Khrit ot ka daux rhawm rhi pex tom nie, sidiex gau ka paox tix ka daux krax pingnya cuyi khawmuik, ka lox rhax yaogyaw, lox rhax lai, lox rhax bwan, kieh koe krax yaogyaw bwanson ka daux rhawm rhi pex mai ah lox rhax ka Siyiex heue. Pex yuh patix ang ah, ka daux gumlox ang ah, ka daux pa yuh ang ah, yuh khawmuik ka daux ceu kaux Simiang Yesux mai yaogyaw bwanson ka Siyiex pa mawh Keeing Cao ka daux Nawh heue.

Ka piang ceu in khawmuik ceep pa moh rhawm, pa mawh ceu pa vien pa grum mhawm heue.

Phan hoik yaog pex kaoh tau mai Cao Khrit, nied ti sawg ceu pa koe dee long, dee ngawm Cao Khrit ka plak taix khawn dawm Siyiex heue.

Kieh pa nhim Cao Khrit giex kaing ka daux rhawm rhi pex, pa hoik kok pex ka, khawm ka tokaux tix mu khaing, kieh pex yaogyaw bwanson heue.

Mawh kheu nan teei kraung pakpeung tokaux pex yum ka ceu pa koe ka piang haktiex, pa mawh pa phit vao, pa ang singax singeh, alo nex nham, pa simie pa caox, pa ghoing, pa mawh ceu pa krub riang grang heue.

Pex hoik yum, hoik mox ju pex tau mai Cao Khrit ka daux Siyiex.

Yam in pex tik ka ceu an khawmuik, pa song rhawm songrhi pa hax rhawm, pa koeng riang ciang khoi, pa nieb ah nieb yuh plakngai pui laux, pa ah lox seeing lox brai khaing daux jheeh pex heue.

tix kaux lai tix kaux paw pie paw lhen ka paox tix, kheu pex hoik peeik ti tik pui prim, khawm ceu pa yuh nawh, hoik ceep pui khraox, pa kawn yuh pa khraox pot tom pon krax tawng, awm riang pakpeung kaw pa phan pa yuh nawh heue.

Mex khankix eue, moh ka moeng tix mai paw nieb kieh kix koe krax song rhawm heue.

Kawn nyawm khankix eue, nghiet lox miex keeing tix ka daux ku ceu khawmuik, grawh grawng nawh pa yuh nan mawh pa khaw caw rhawm ka daux Simiang heue.

Moeng khankix eue, kieh koe krax cu nghiet ka mex tix, awm pa khaw ka daux Simiang Siyiex.