Popular Bible Verses from Mark 13

Share

Nda mbo kuri ḛ gezi peɗ, ge mbi pe. Ɗaŋɗe, ndu ge mbo wan tene deŋel ya ɗiŋ mbo wa yà, mbo seɗ monna.

Ge ano mbe no pe, ḛ kaa jejew, ḛ ka kaɗeya, ago ḛ kuwa dwam ge kaŋ mbe ma mbo keeya go to.

Sok ge àa mbo wan ḛ ya ndwa ɓyan ḛ ge nda ge kun sariya ma tok go, ne kaa ge ḛ iigi ta zḛḛ, ge fare ge ḛ mà mbo ya faa ne pe to. Ɗeŋew, ḛ mbo faa fare ge Dok mbo hon ḛ ne ya ge sok mbe go. Ago, ḛ sḛ ma mbo faa fare ne ge ḛ pagal to, a On̰om ge Harcal mbo faa fare ne ge ḛ byalam go.

Pḭḭ mage suwa mbo kaɗ to, ɗaŋɗe, mbi fare janna ma mbo kaɗ ɗiŋ ge din.

Kaɗɗa ge fare ge dwam mage ler ne ɗe, ndu a̰me ɗu ge kuwa num to. Koo malayka ge Dok ne ma, koo mbi sḛ ge Dok teme mbi ya puy, mbi kuwa ne to. Ɗaŋɗe, a Dok ge mbi Ba ɗu ɗeŋew kuwa nee ne.

Sok ge ḛ mbo kaɗ-ɗa ka za̰a̰ twam mballa ma ge ḛ ta guwa, ḛ ka za̰a̰ kṵwa̰ ge twam mballa ma way ma, ge sok kaal ya ma me, ḛ iigi ta to. A ngaɗ go kaŋ mbe ma num dee ya keeya, ɗaŋɗe, mbo gale kaɗ gwanna ge Ndu ge Dok taa ne, nee ne to.

Mbi jan ḛ ne no, ɓyare go ḛ kaa jejew, ne kaa ge go ndu ge zok mbo ya tan ḛ tugcug to. Tamekyala gasamal de, ɗaal ga̰a̰l de, aaram pagal de, koo aaram de. Kaɗɗa na mbo ja tan ḛ tugcug, ne kaa ge ne see ḛ fii dwam to. Fare ge mbi jan ḛ ne no, mbi jan ne ge nda pe peɗ. Ḛ kaa jejew.

Ago suwal ma mbo ka mbal ta ta buwal zì, muluk ma mbo ɗege ho̰o̰l ta ta buwal zì waɗme. Ge sok a̰me ma go, suwa mbo ka ndaɗɗa, camal baktar ma ka deɗ-ɗa me. Àa mbo ka deɗ-ɗa dinna ge yal ge twàl ne deɗ ndu gwale go.

Ago, zḛḛ gale ɓiya, ɓyare go àa oy Fare ge Kwaɗa ge rusu ge suwa pagal ma ta peɗ.

Ago nda gḛḛ mbo hee mbi dḭḭl, àa mbo ya ge ne, àa mbo ka janna go: A mbi Krist ne. Ge num fare janna mbe ma no ta, àa mbo ee nda gḛḛ n̰aameya.

Kaɗɗa ge ḛ sḛ ma ɗe, ḛ koy ta kwaɗa, ge fare ge mbo seɗ ḛ ya ma pe. Nda a̰me ma mbo wan ḛ, àa gene ḛ mbo ge nda ge kun sariya ma ndwa se yà. Àa mbo keme ḛ ge bol, ge zok kee kaɗeya ge Yahuɗ ma way ma zì, àa zwal ḛ bibil mbo goformo̰ mage gan ga̰a̰l ma ndwa se yà, ge mbi pe. Go mbe no, ḛ mbo kee sayda ge ambi ge num ta.

Ago, nda ge kee ta krist ma ɓanna ge nda ge kee ta nda ge zwagre Dok wa ma mbo mbo ya. Àa mbo ka kee kaŋ ngayya mage kaŋ haŋle ma keeya ge go, ee nda ge Dok taa num ma n̰aameya.

Guwa̰ dwam ge yal ɓaŋlaŋ mbe ma way go, gyala mbo daa gwan zen to, saba mbo hon kɔn̰al ge na ne to me. Gùwa̰ ma mbo deɗ ge pḭḭ ma zì ya se, kaŋ keeya ge Dok ne ge ɓaŋlaŋ ge no pḭḭ digi ma mbo ba̰a̰le se.