Popular Bible Verses from Tito 1

Share

Kkib'ij ike chi keta'am uwach i Dios, xwiri rumal wach i kki'ano, k-iltaj chke chi qatzij taj. Je itzel laj taq winaq, to' je qelqel, lik nti kichak chu'ankil i utz.

Ni'pa i je ch'am pkanima, chke ike lik ch'am uri ronojel. Xwiri ni'pa i ne te ch'am pkanima, ni'pa i kkikoj ti saq laj tzij re i Dios, chke ike, ronojel uri lik ch'am taj. Keje ile ke'el chke man ch'am ti kinojb'al, xaq kkina ti chik we utz ti kki'ano.

Mro'taj kan i tzij chi lik qatzij, i tzij chi xaqjun ru' pacha i k'uttal che. Ru' i saq laj tzij le, kuya ukowil kik'ux i rachi'il, xaq kuyu'uj kixikin ike chi je ajla'ol uwach.

Man jun, we o uchak i Dios chuqul, rajwaxik uri chi utz ch-oloq. Mu'an che rib' chi lik nti kok ru' kuna ire; xaq utz taj we to' k'an laj winaq, we to' ab'arel laj winaq, we to' ajtzukul ch'oj xaq we to' are kuch'ob' i pwaq chi saqil ti uch'akik. Are i chu'ana, chuya kiposar i winaq, chuya uk'ux chu'ankil i utz, chuch'ob'o kok'ilal wach i ku'ano, chu'ana pacha i usuk', chuya rib' chu'ankil uchak i Ajwal, chujek'a rib' che i ni'pa taq i kmajaw taj.

I rijab' re i jutzob'aj re i Dios pacha ile o uchak utz che'oloq, man mijun kkojow kimak. O uchak xa jun i rixoqil, xaq o uchak chi i rak'al kijachom kib' pu'ab' i Ajwal, xaq chom che'oloq, xaq o uchak ne te qelqel.