Popular Bible Verses from Marcos 5

Share

I Jesús xub'ij che: —Inmi'al, rumal ukub'ib'al ak'ux xatutzirik, jat xaq mak'achir chik ak'ux; man elnaq chik i yob'il chawe —xcha.

Xaq chkixol i winaq le o jun ixoq chi lik iwab', man o chik kab'lajuj junab' che chi ktani ti rik'il. I ixoq le uponnaq chik ku' k'iyal taq ajkun xaq lik utijom i k'ax kumal, xwi ti la ile. Xaq lik xuk'is b'i ronojel upwaq ku', xwiri lik nti x-on re che ire; lik xa ne xutz'ab'ij uyob'il.

Are xuyin u'u' i Jesús are uri juntir xutzir i ixoq le, xaq xuna puch'akul chi xtani i kik' che, lik utz chik uwach.

Are uri i Jesús xuchap che u'ab' i ral ali, xub'ij che pkich'ab'al aj arameo: —Talita Cumi —i usuk' i tzij le are iri: “Ral ali, kinb'ij chawe chi chatwalijoq”.

K'a ktijin ne Jesús che i lapanik ru' ixoq are xeupon pan jub'an winaq chi je petnaq chi rachoch ma Jairo, chi aj-atzil re i ja re molb'al ib' ke i judío, xkib'ij che: —I ami'al xkamik. Nti chik uchak kk'am b'i Jesús awu' —xecha. Xwiri i Jesús xuya ti uxikin che wach taq xkib'ij le; are uri xub'ij che i aj-atzil re i ja re i molb'al ib' ke i judío: —Matok il, xwi chakub'a ak'ux chwe —xcha che ma Jairo.

Xub'ij itzel tew ile man i Jesús ub'im chik che: ¡Chawo'taj kan i achi le! I Jesús xutz'onoj che: —¿Wach ab'i? Ire xub'ij: —Inb'i yin are K'iyal Tzob'ajil, man lik oj k'i —xcha.