1
Mateo 18:20
Wuj Pa K'ubultzij
Keje ile ku'ano, man pa je o wi je keb' je oxib' kimolom ni kib' wumal Yin, xaq Yin in o ni ku' ike —xub'ij chke utijoxelab'.
Compare
Explore Mateo 18:20
2
Mateo 18:19
Xaq kinb'ij chiwe: We je o keb' chixol yix waral chwach i jyub' ta'aj lik xaqjun i kinojb'al are kkitz'onoj che i Dios, Inqajaw chila chikaj kuya ni chke wach i kkitz'onoj.
Explore Mateo 18:19
3
Mateo 18:2-3
Are uri i Jesús xusik'ij jun ak'al ru', i xuya chkiwach. Xub'ij chke: —Qatzij i kinb'ij chiwe: Yix, we kijalwachij ti inojb'al, we ki'an ti che iwib' pacha uno'oj jun ak'al, kixok ti uri Pu'atb'al tzij i Dios aj Chikaj.
Explore Mateo 18:2-3
4
Mateo 18:4
I jun chi nim u'ij pa ajawinik re i Dios, are i jun chi ku'an ch'utin che uk'ux pacha i ak'ali, are ire uri mas nim u'ij Pu'atb'al tzij i Dios aj Chikaj.
Explore Mateo 18:4
5
Mateo 18:5
We o jun kuk'ulaj jun ak'al ru' pinb'i, ke'el uri chi Yin kinuk'ulaj puk'ux.
Explore Mateo 18:5
6
Mateo 18:18
Qatzij i kinb'ij chiwe: Yix we kikuy ti imak chiwach chi chwach i jyub' ta'aj, xaq kkuytaj ti uri imak chila chikaj, xwiri we yix kikuy imak chi chwach i jyub' ta'aj, xaq kkuytaj ni uri imak chila chikaj.
Explore Mateo 18:18
7
Mateo 18:35
Pa k'isb'al re xub'ij chke: —Xaq keje k-an ni chiwe yix rumal Inqajaw aj chikaj, we yix chijujunal kikuy ti kimak i iwachalal ru' ronojel ik'ux —xub'ij i Jesús chke.
Explore Mateo 18:35
8
Mateo 18:6
Jun ch'utin chi ukub'am uk'ux chwe, we o jun ku'an che chi ktzaq chupam umak, nim laj mak uri u'anom i jun le. Mas utz ke'el che, wetene kxim jun nim laj ka' rij uqul xaq kk'aq b'i pa ya ji'sab'al re.
Explore Mateo 18:6
9
Mateo 18:12
¿Wach ku'an jun achi, kib'ij yix, we je o jo'winaq (100) uchij, we xsach jun chke? ¿Wach ku'an ni ire uri? ¿Xatab'a keukanaj ti kan i b'elejlajuj kajwinaq (99) che i jyub' ipa i kewa wi, man k-e chutzukuxik i jun chi sachnaq kanoq? Lik kutzukuj na.
Explore Mateo 18:12
Home
Bible
Plans
Videos