Popular Bible Verses from Lucas 8

Share

Are ija chi xtzaq pa utz laj ulew, ile keje pacha i winaq chi lik kkaj utayik i utz laj utzij i Dios ru' ronojel i kik'ux; kkimayij ti u'ankil wach i kitom, k'a kwachin ni utz pkik'aslemal.

Ni'pa i ija chi xtzaq pa k'ix ke'eloq pacha i winaq chi kkita utzij i Dios, xwiri kki'an taj wach i kub'ij. Xa kek'achir rumal i kik'aslemal waral chwach i jyub' ta'aj, xa kkitzukuj ub'itaq ke, xaq xa kkich'ob' i kirayijb'al; ile xa kuchup i utz laj tzij pkik'ux. Ke'eloq pacha i tikon chi kwachin taj.

Ni'pa i ija chi xtzaq pa taq ab'aj, ke'eloq are i winaq chi kkita utzij upixab' i Dios xaq lik kekikotik are xkikojo, xwiri je pacha i tikon nti qas ra' enaq pa jyub'. Ike xa attal ij kekojon che, xaq are kpe jun k'ax pkiwi, kko'taj kanoq.

Te'uri i Jesús xub'ij chke utijoxelab': —¿B'uchak xisach ukub'ib'al ik'ux? —Xcha. Xwiri ike, are xkil ile lik xkixij kib' i lik xkib'isoj. Xkib'ij chkiwach: —¿B'i chi achi ire le chi ku'atij i tew xaq i ya, i lik kekojon che? —Xecha.

Ni'pa i ija chi xtzaq pa b'e, ke'eloq are i winaq chi kkita utzij upixab' i Dios, xwiri kk'un i Itzel i kresaj b'i i tzij pkik'ux. Man kraj ti ire we kkikoj utzij upixab' i Dios, xaq keresaj chupam i kimak.

Man ni'pa i k'amaja k-aljinsaxik, k-aljinsax na; xaq ronojel ni'pa uwam uwach lik k-etamax na man kel chisaq.

I ixoq are xuta ile, xrilo chi Jesús reta'am chik wach u'anom che. Ire ksiksatik, xxuki chwach i Jesús i xub'ij che chkiwach konojel i winaq wach rumal xuyin u'u'. Xaq xub'ij chi juntir xutzirik. Te'uri i Jesús xub'ij che: —Wak'al, xatutzirik rumal ukub'ib'al ak'ux che i Dios. Jat, matk'achir chik —xcha che.

Are uri ike xe'e ru' i Jesús xaq xkik'astaj. Xkib'ij che: —¡Tijonel! ¡Qatijonel! ¡Kojmuqtaj pa ya! —Xecha che. Are uri i Jesús xwalijik i xu'atij i tew xaq i ucho'ab' i ya. Are uri i tew xaq ya lik xesilab' ti chik.