Popular Bible Verses from Lucas 6

Share

Cheito ni'pa i o rajwaxik chke, man i Dios kuya ni chiwe yix wach i rajwaxik chiwe. Ire k'i kuya ni chiwe we k'i iya'om yix; lik kunojsaj ikoxtal yix, lik kuch'aych'a, xaq kula'puj, xaq mas kuya puwi, tzub'ub' ku'an che.

Jun achi we utz, utz i kub'ij, man xwi i utz o puk'ux. Xaq keje jun achi we utz taj, xwi i utz taj kub'ij, man xwi i utz taj o puk'ux. Man ru' i qachi' kqab'ij wach i o pqak'ux.

Xwiri yix, k'ax cheina i je ajch'oj chiwij; chi'ana i utz chke; xaq we o kiya pa cha'im miwoy-ej we o taq kya' chiwe chwach. We ki'an ni'pa taq ile, nim i sipon kya'ik, xaq yix ix rak'al ni i Nim laj Dios chikaj. Lik ix rak'al ni Ire man xaq keje ku'an Ire, aj-anol utz chke i ne te utz, xaq chke i kkitioxij ti che xaq chke i ne te utz.

Chi'ana chi o i rutzil ik'ux xaqjun pacha i Ta chikaj chi xaq o i rutzil uk'ux.

Mi'at tzij pkiwi iwachi'il, wach ki'anom, man xaq ku'at ti tzij i Dios piwi yix; xaq mikoj kimak iwachi'il, man koksax ti imak yix rumal i Dios. We o i ki'anom kimak chiwe, chikuyu man i Dios kukuy ni imak yix.

Xwiri yix chi kixtijin chutayik intzij, kwaj kinb'ij iri chiwe: K'ax cheina i ajch'oj chiwij; chi'ana i utz chke i tzel kixkilo. Chitz'onoj i utz re i Dios pkiwi i ketz'onow i k'ax piwi yix. Chitz'onoj che i Dios pkiwi i k'ax kech'aw chiwij.

Pacha i kiwaj yix chi kki'an i winaq chiwe, xaq keje chi'ana yix chke.

We o jun katuch'ay che juperaj apalaj, chasujuj i juperaj chik che; we o jun kumaj achaket, xaq chaya b'i akamix che. We o jun kutz'onoj chawe wach i rajwaxik che, chaya che, xaq we o jun kumaj ub'itaq awe, matz'onoj chik che.

Nti jun che' utz we kuya uwach utz taj; xaq i che' chi utz taj kuya ti uwach utz.

Chkijujunal i che' lik ke'aljinik rumal i echa' chi kkiya'o. Jun k'ix: Are kuya uwach, kuwachij ti higo; xaq keje jun k'ix lokej, kuwachij ti uva.