Popular Bible Verses from Lucas 4

Share

“I Utewal i Ajwal lik o wu', man in ucha'om yin chupaxsaxik i utz laj tzij k'ak' chke i nib'a'ib'; in utaqom li chrelsaxik i k'ax pkik'ux ni'pa i keb'isonik. In utaqom li chub'ixkil wach i kelb'al chisaq ni'pa i ajprexil xaq chub'ixkil wach uriqik i kitzunb'al i je mawach. In utaqom li chkito'ik ni'pa i kkitij i k'ax. In utaqom li chutzijoxik i utz laj taq ij re i Ajwal.”

I Jesús xula' chik uwach che: —Man chupam uwuj i Dios keje iri tz'ib'talik: “Xwi Awajwal Dios chakojo u'ij, xwi che ire ka'an wi apatan” —keje ile tz'ib'talik.

I Jesús xula' uwach che: —Kin-an taj —xcha. Man chupam Uwuj i Dios, keje iri tz'ib'talik: “Xwi ti rumal i wa re trigo je k'as i winaq. Man lik je k'as ni rumal ronojel Utzij i Dios.” —Xcha i Jesús.

I Jesús lik ru' Lo'laj Utewal i Dios xel b'i chila che i ya Jordán xaq xk'am b'i uri che jun tz'inilik jyub' chaqij rumal Lo'laj Utewal i Dios.

I Jesús xula' chik uwach che: —Xaq tz'ib'tal i tziji chupam uwuj i Dios: “Mak'am upam Awajwal Dios”; kub'ij.

I Itzel, ya kuriq ti chik wach tzaqsab'al re ku'an che i Jesús, rumali xel keb' oxib' ij chwach.

Te'uri i Itzel xuk'am b'i che jun nim laj jyub'. Are uri xuk'ut che i Jesús ronojel i nimaq taq tinimit o chwach i jyub' ta'aj. Te'uri xub'ij chik che: —Ronojel iri lik o pin-ab' yin. Xaq o pin-ab' kinsipaj che pachin kwaj yin. Kinsipaj chawe xwiri we yet katxuki chinwach xaq kakoj in-ij —xcha i Itzel che. I Jesús xula' chik uwach che: —Man chupam uwuj i Dios keje iri tz'ib'talik: “Xwi Awajwal Dios chakojo u'ij, xwi che ire ka'an wi apatan” —keje ile tz'ib'talik.

Te'uri i Itzel xuk'am b'i i Jesús pa Jerusalén. Xuk'am b'i chila k'a chutzam i rachoch i Dios chi lik naj uwi. Te'uri xub'ij che: —We yet lik at uk'ojol i Dios, chak'aqa b'i awib' k'a pulew, man chupam uwuj i Dios, keje iri tz'ib'talik: “I Dios kub'ij ni chke u-ángel chi katkichajij na. Ike lik katkuk'aj ni ru' i ki'ab'; mitene kkiya chawe katakij awaqan che i ab'aj.” Keje ile xub'ij Itzel che. I Jesús xula' chik uwach che: —Xaq tz'ib'tal i tziji chupam uwuj i Dios: “Mak'am upam Awajwal Dios”; kub'ij.