Popular Bible Verses from Juan 16

Share

Ronojel ile kinb'ij chiwe, man kwaj yin o ni uxlanb'al k'uxij chiwach are kixpe wu', yix lik kitij ni k'ax chwach i jyub' ta'aj, xwiri chikowij ik'ux, man yin inqajsam chik u'ij i utz taj chwach i jyub' ta'aj —xcha i Jesús chke.

Xwiri are kk'un Utewal i Dios, chi are i saq laj tzij, Ire kixuk'am nu b'i che i b'e chi lik saq laj tzij. Man Ire nti tzij kub'ij chi to' re Ire, xwi kub'ij ronojel ni'pa utom che i Ta xaq kusaqij ni chiwe wach k-an na k-on panoq.

Xwiri ni'pa petnaqi yix lik nti itz'onom pinb'i. Wo'or chitz'onoj ut man kya' ni chiwe, man keje ile lik ktz'aqat ni ikikotemal”.

Xwiri kinb'ij i saq laj tzij chiwe: Lik utz ke'el chiwe yix we kin-ek. Man we kin-e taj i Ajkub'sanel K'uxij kk'un ti iwu', xwiri we kin-ek, kintaq na li iwu'. Are kk'un Ire, lik kusaqij ni chke i winaq chwach i jyub' ta'aj pachin je ajmakib', pachin i je suk'ulik chwach i Dios xaq pachin k-at tzij puwi rumal i Dios.

Xaq keje yix ile, wo'or lik kpe ib'is xwiri are kiwil chik inwach te'uri lik kpe jun nim laj kikotemal pik'ux, ile are jun kikotemal chi mijun kelsaw chiwe. “Xwiri che i ij le lik nti chik kitz'onoj chwe. Lik saq laj tzij kinb'ij chiwe, ronojel ni'pa kitz'onoj che i Ta pinb'i Yin, Ire lik kuya ni chiwe.

Lik saq laj tzij kinb'ij chiwe chi yix lik kixb'ison na xaq lik kixo' na, tz'aqat i winaq chi to' je re uwach i jyub' ta'aj kekikot na, xwiri tupu yix kixb'isonik, k-on panoq i b'is le kyiji ni che jun kikotemal.