Popular Bible Verses from Hechos 1

Share

Xwiri are kk'un i Lo'laj Utewal i Dios piwi, kuya ni icho'ab' xaq kkowir ni ik'ux chub'ixkil in pachin yin, kib'ij ni pa tinimit Jerusalén, pa taq tinimit Judea, pa tinimit Samaria xaq chwach ronojel i jyub' ta'aj.

I Jesús xula' uwach chke: —Lik rajwaxik taj kiwetamaj yix pachike taq ij xaq junpa ku'an Inqajaw ronojel ni'pa i b'iroxik chi xwi pu'ab' Ire o wi u'anik.

I Jesús are k'a o ku' apostolab' xub'ij chke chi ke'el ti tan pa tinimit Jerusalén. Keje iri xub'ij chke: —Chiwoy-ej na chi k-antaj ni pacha usujum Inqajaw chi xinlap yin chiwe. Qatzij ne ri chi ma Wan xuqajsaj ya pkiwi, xwiri ya kuriq i ij chi i Dios kuqajsaj ni i Lo'laj Utewal Ire piwi yix.

Chrijil chik ukamik lik saqil xuk'ut chik rib' chke, k'utb'al re chi lik k'aslik. Kawinaq (40) ij xuk'ut rib' chke xaq xulap chke wach taq usuk' i ajawinik re i Dios.

Are xb'itaj ile chke, tz'aqat ike je o chutaqexik, are uri i Jesús xk'am b'i chikaj chupam jub'an sutz', lik xuch'uq rij rumali lik xkil ti chik uwach.

Are lik k'a ketijin chutaqexik wach relik b'i i Jesús chikaj, are uri xewinaqir keb' achiyab' ku', chi lik saq ki'u'. Xkib'ij chke: —Winaq aj Galilea, ¿B'uchak chi kixtaqen b'i chikaj? I Jesús le chi xk'iji chixol chi xaq xk'am b'i chikaj wo'or, lik kk'un chik, pacha u'enam xiwilo le keje ku'an tan chik ile are kk'unik; xecha.