Popular Bible Verses from 2 Timoteo 1

Share

Man i utewal i Dios u'anom ti chqe chi kqaxij qib', are u'anom uya'om qacho'ab' re k'ax kqana i qatz qacha' xaq kojuto re kqa'anb'ej che i k'aslemal utz chwach i Dios.

Keje cha'ana ile man i Dios xojuto xaq xojusik'ij ru' man kqa'ano pacha kraj ire. Keje xu'an ile chqe, rumal ti jun utz chi qa'anom yoj, xa rumal keje xraj ire ile chqe, xaq rumal i rutzil uk'ux chqe oj o chik ru' i Jesucristo. I rutzil uk'ux i Dios le, ax uch'ob'om wi, k'a chuxeb'al li ij saq

Rumali, kinb'ij chawe, chi lik chatchakun ru' i sipon chi uya'om i Dios chawe, are xinya in-ab' pawi; wo'or chajuluwsaj pacha jun a' k'aslik.

Rumali, matk'ix chub'ixkil wach u'anom i Qajwal; xaq matk'ix chwe yin chi in o prexil xaq rumal re Ire. Are i cha'ana, chach'ija ni'pa i uyej kpe pawi xa rumal upaxsaxik i utz laj tzij k'ak' re i Dios. Chach'ija ru' i cho'ab' chi kuya i Dios chawe.

Rumali chi lik kintij ni uyeji. Xwiri kink'ix ti che, man lik weta'am pachin che inya'om wi ink'ux; lik weta'am chi ire o ucho'ab' chinchajixik k'a pa k'isb'al ij, ru' ni'pa uya'om chinqul.