Popular Bible Verses from Luka 11

Share

Vawihihá, khwino nyuwo, ókhala ónanara, munasuwela wávaha anamwane anyu samahala saphama, wopwaha wawihai nki Atithinyu a wirimu anarwa‐avaha Munepa Wawéla wa yawo ómveka Yowo.

Nave Miyo kinalocha ni nyuwo, Vekani, nave onarwa‐ovahiwa wa nyuwo; avyani, nave munarwa‐m’phwanya; okotchani, nave munarwa‐muhuleliwa.

Vawi óveka owo annákhela; nave awavya owo annaphwanya; nave awokotcha owo annahuleliwa.

Nave áhi wa yawo, Mwávekelaka lochani, Atithi, Nsina nanyu nélihiwe; Omwene anyu orwe

Nave munikhurumuwele hiyo sotcheka sahu; vawi’tho hiyo mekhihu ninnakhurumuwela mutchu yowo ananipoleya. Nave muhinikusherye hiyo mu wehiwa.

Nivaheni hiyo nihiku n’nihiku yólya ya va nihikuni.

Onyari wa mwíli ti nitho ná: vothe vene nitho ná n’riaya nophameya mwíliá wothene onamwaléla’tho mothe mwene’mmo; nyenya nakhala nonanara, nave mwíliá ori wepiphiru.

Havovo mutchu, aparihale onyari, aniyathi m’pa ya vathi, akhweya vathi va mweryo, nyenya va yawiyatheryavo aya, wi yawo óvolowa’mo yone omwaléla.