Popular Bible Verses from Luka 1

Share

Ntakhara hanivovo nsu nimoha norwela wa Muluku nenlo n’ni nihikhale ni ikuru.

Nave Mariya áhi, Onani, mwali a Apwiya; okhale wa miyo ntoko si masu anyu. Nave ngelo ávinya wa yowo.

Nave ngelo áhákhula, ii wa yowo, Munepa Wawéla anaphiya va weyo, nave ikuru sa Mtokotokosha sinarwa‐sohuruwela: ntakhara awe’tho Yawéla eyo yarwa‐eyariwa enarwa‐yeriwa Mwana a Muluku.

Nave óréla ori yowo ároromenle; ntakhara sinarwa‐seriwa itchu súlummwe wa yowo ti Apwiya.

Nave nkona, onarwa‐orupala oyara mwana mwamulopwana, omutchuwa nsina nawe Yesu. Yowo anarwa‐akhala mtokotoko, anarwa‐eriwa Mwana a Mtokotokosha: nave Apwiya Muluku anarwa‐amvaha yowo munyukhu womwene wa Davide atithinnya: nave yowo anarwa‐alamulela va emusi ya Yakobo mahiku othene; nave omwene awe horwa‐omala.

Nave ngelo áhi wa yowo, Ohove, Mariya: vawi wophwanya ikharari mwa Muluku.