Popular Bible Verses from Lúkási 17

Share

Ńdɛ ndé á mbū ŋiŋ wuɔ mɛ́t ŋ́gɛ: «Lu á esī, ŋ́gʉ̄ɔ mé mba ju. O ó te páʼa, melaʼ mīi o ó fɛ́ nnɛ̄t ju, ŋ́gyá á mbū meŋ. »

A zi ŋgē ezók á taʼ aleʼé alāʼ, éfā á mbū wu ŋgʉɔ esambīa, ḿbīŋ nnɔ̄ŋ mbīŋɛ nzem etsiɛ́ legʉɔ lɛ́, ḿvéŋɛ mefa mí, o elēkne ŋgyá á mbū yí. »

Taʼ ŋiŋ á nnɔ pɔ́p á jʉ́ɔ páʼ yí é te, ḿbīŋ nzem, ńziŋɛ nzɔ̄pɔ ŋgūʼtɛ á Ndém, mé ŋghi teté. Éshʉʼ tɛ ŋkó á lezēŋ Yɛɛ́so, ńtswíʼte á mvhɔ á yí, ŋ́ŋɔ́ʼne tɛ athū zí á pfeŋ esī, ésyákne á yí. Ŋiŋ wuɔ mɛ́t, a lɛ ŋiŋ Samalía.

Pɛ epá nnɛ̄t zɛ, ánɛ ntií menu muɔ mɛ́t. Méŋ mɔ́ wu a faa anu á mbū wu, o egʉɔ njʉ́ɔ á yí, ńték á yí. Ŋ́gɔ́ éyi a á gɔ nnɛ̄t zi, ḿvéŋ mefa, o elēkne ŋgyá á mbū yí.

Yɛɛ́so á jʉ́ɔ tɛ mbwɛ̄t ŋ́gɛ: «Meŋ á zhɛ́ ŋ́gɛ, epuɔ legēm é mbú ntē, ewuɔ ŋiŋ a piīŋ ŋgɔ́ ega páʼa, epi emɔ̄ʼ epuɔ levuʼɔ́, é gɔ́ egɔ́?

Yɛɛ́so á pwɛt ŋ́gɛ: «Lefɛ̄ nnɛ̄t wɛ ŋgyá á mbū Ndém, a á ŋgwíʼe efáŋ páʼ lesa sésōk, mbɔ pɛ lʉ́ɛ́ á mbū athʉ́ jʉɔ ŋ́gɛ: “Fhó ega ntsɔ́ʼɔ mé meŋgaŋ, ŋ́gʉɔ ntshí á ntē mía ntshi.” Mbɔ a tsɔ́ʼɔ páʼ pɛ é lé épúp. »

Ŋiŋ a nɔŋ ŋŋíŋɛ efāʼa á lepīp athū nnɛ̄t zí, ŋ́gɛ yí té láʼ ekwhʉ́ ɛ́, mbɔ a a ké eláʼ ekwhʉ́, épíi. Ŋiŋ a piŋɛ ŋgwáʼ athū nnɛ̄t zí, melaʼ Ndém, mbɔ a a láʼ egɔ́ éwú.

Yɛɛ́so a le lé á mbū nnɔ yí ŋ́gɛ: «Tɛ mbɔɔ eséŋɛ́ lɛ́, ajū mīi á gɔ eghʉ̄ʉ, ŋiŋ á fa nzhɛ, á gɔ le púŋ. Táʼ, ndɔ e é athū ŋiŋ yīi, a á tshóne á ŋiŋ, ńnéŋ á ntē mefa. A ghʉɛ épúp, tɛ mbɔɔ á mbū taʼ, á nnɔ ewɔŋkhʉ̄ puɔ, mbɔŋ á gɔ́ mbū yí, á mɛ́ legaŋ á mía mía tɔ́ á ntɔ̄ŋ yí, ḿmāʼ á yí á ntē mía ntshi, ńtɔ́k á letshi á yí néŋ, á kʉɛ ndɔ á mbū Ndém.

«A a láʼ ege eshʉʼe, anu zīi á le láʼ ŋghʉ̄ epuɔ, ŋguʼ Noe, a ezéŋ ŋghʉ̄. Epuɔ menɔŋ é lɛɛ́ nnáŋa mpfɛ́tɛ, ńnúu, ńdáa‑ŋgyā, ńtsóʼo epɔ̄ pɔ́p, tɛ ŋkó aleʼé zīi, Noe pɔ́ atseŋ ŋgyā zí, é le kó á ntē mía mɛtúa ntshi, pík‑ŋgɔŋ mbeŋ á pú ndú, ntshi é pú ŋkɔ́ʼ ńdɔ̄k mvoʼ epuɔ.