Popular Bible Verses from Lúkási 15

Share

«A le kwāŋ épúp, ńdɛ ndū á esī, ńdɔ̄k nzhɛ mba zɔp ŋgʉ̄ɔ. Ńzɛ́t tɛ éwú, mɔʼɔ́ yi á maʼ lezēk njʉ́ɔ á yí, mezeŋɛ mí é kó á yí. Á náte á yí, ŋ́gwhʉ̄ ánɛ yí, ésēŋte á yí.

Meŋ nde nɔ̄ŋ nzhɛ́ɛ á légɛ, mɔ́ wuɔ a lē ŋkwhʉ́, a á zéŋ eshʉ̄ʼ. A le píī, meŋ á zéŋ njʉ́ɔ á yí.” Pɔ́ lɛ nnéŋ lekāk á ŋgyā.

Ndeŋ ndeŋ épúp, meŋ á si eshúŋɔ á wɛ́, mía mía lekāk a a shʉʼ egɔ́ á athʉ́ lephū, ánɛ athū taʼ ŋgaŋ mefa yīi, a á gɔ nnɛ̄t zi, ŋ́gwáʼ atswhī tepɔŋ zí, étsya epuɔ ntsɔp levuʼɔ́ megēm levuʼɔ́ pīi, pɔ́ é si ŋkwāŋa ŋ́gɛ, pɔ́ é wɔ te fa, pɔ́ gɔ le atswhī zɔ́p wáʼ.

Meŋ a piŋ nzem, égʉɔ mé mba zek. Ékó éwú, éwhʉ á mekhu mɔʼɔ́ ga, élé gɛ: mɔ́ʼɔ, meŋ ke fā á mbū Ndém, ńzéŋ efā á mbū wu.

Mɔ́ á lé ŋ́gɛ: “Mɔ́ʼɔ, meŋ ke fā á mbū Ndém, ńzéŋ efā á mbū wu. Meŋ ka zéŋ ŋkūʼ yīi, o gɔ etɔ́ŋ á gá lɛ, méŋ wu ú.”

«Awɔ́ ŋiŋ a á nnɔ pɛ, ŋ́gɔ́ éyi a wiɛ memvhō mí mbaŋ ŋkhʉ, taʼ á pí éwú, á néŋ té tshi emi ntsɔp levuʼɔ́ megēm levuʼɔ́ á késáatswɛt néŋ, ŋ́gʉɔ ndáʼ efāʼ ewiɛ́ táʼ mɛ́t, tɛ njʉ́ɔ á yí í?