Popular Bible Verses from Lúkási 13

Share

«Pɛ ekāk ete, á letɔ̄k ánɛ nchu ajʉʼ yīi é swɛ́nne swɛnné tɛ́ ntswɛ́t. Pɛ ezhɛ́ á légɛ, epuɔ tɛ nzáne e shʉʼ enɔŋ efaʼa á letɔ̄k éwú, tɛ́ pɔ́ le mɛnzhɛ jʉ́ɔ.

Mmɔʼ menzwí á gɔ́ éwú, mbɔ mmɔʼ esī e lē mbwɔ́ʼ ŋkaʼte yí, tɛ á ghʉ ŋguʼ ntsɔp lefaá mé legēm, páʼ a gɛ ncʉ́ʼɛ nzīŋɛ áa ŋŋɔʼne ŋɔʼné, tɛ ŋgɔ́ yīi a gɔ le pʉ́ʼɛ nnɛ̄t ntshí á ajʉʼ nzīŋ ɛ́. Yɛɛ́so á jʉ́ɔ menzwí wuɔ mɛ́t, ńtɔ́ŋ á yí, á shʉʼ, á lé á mbū yí ŋ́gɛ: «Maá, o ó ndáʼ ntē agɔ jú. »

Ŋ́gē elé épúp, ńnɔŋ nzápa mbū mí ánɛ yí. Á lɛ mbʉ́ʼɛ nnɛ̄t ntshí ajʉʼ efʉʼ mɛ́t efʉʼ mɛ́t, ńzī á lewuʼte á Ndém.

Pɛ ezhɛ́ á légɛ emɔ̄ʼ epuɔ pīi, pɔ́ é tsetsɔŋɔ, ŋ́gɔ́ mezoknzem, pɔ́ e shʉʼ ecʉ́ʼ megaŋ mvhɔ. Emɔ̄ʼ epuɔ pīi pɔ́ é megaŋ mvhɔ, e ecʉ́ʼ mezoknzem. »

Afʉʼ a fú ekuʼe, ŋgaŋ ŋgyā á elū á esī, éfē ŋgyā. A piŋɛ ŋgē efe ŋgyā, pɛ zɛ́t á apɛ́, mbɔ pɛ e tshí éwú, énɔŋ ekwáʼtɛ nchu ŋgyā elʉ́ɛ́ gɛ: “Ndi, tsɔ́ʼ nchu ŋgyā pek ekó éwú.” A epwɛ̄t á mbū pɛ ŋ́gɛ: “Meŋ ka zhɛ́ ajʉʼ zīi, pɛ kɔ́ʼɔ éwú ú.”

Ŋgáŋ, á té épúp ɔ́, á gɔ́ áa lɛ, pɛ gɔ te gɔ̄ nnɛ̄t zɛ, ŋ́gwáʼ atswhī tepɔŋ zɛ́ ɛ́, mbɔ pɛ e shʉʼ ezéŋ elákne azɛ́ metsem. »

A ezéŋ ndé leswhī leswhī ŋ́gɛ: “Meŋ ka zhɛ́ ajʉʼ zīi, pɛ kɔ́ʼɔ éwú ú. Pɛ efhó á nchu ŋgyā meŋ ŋgʉ̄ɔ, pɛ pīi, pɛ kʉ́ʼnɛ efʉ̄ʼtɛ menu tepɔŋ.”

Afʉʼ á kuʼ, Yɛɛ́so á zéŋ ndé ŋ́gɛ: «Lefɔ Ndém é péʼe, é swhí akɔ̄? Meŋ gɔ elɔk akɔ̄, ŋ́ghíte ajū mīi é swhí aziɛ́ ɛ́? É swhií mmɔʼ ntií lesa sésōk tsīi, mmɔʼ ŋiŋ a le māʼ á ŋkāʼ yí, é shʉʼ esáʼ, ńtswhí, mbū é tó, tɛ á cʉ́ʼ páʼ athʉ́ lā, tɛ meséŋ é shʉʼ éwú mbáʼ meŋka mɔ́p. »