Popular Bible Verses from Mefaʼ Meziŋ-ntō 2

Share

Piɛ á pwɛt ŋ́gɛ: «Pɛ egɔ̄ nnɛ̄t zɛ, ŋgwáʼ atswhī tepɔŋ zɛ́, awíɛ awíɛ a evéŋ, mɛ́ enōʼ á yí á ntshi, páʼ a á néŋ ntē yí ánɛ Yɛɛ́so Klísto. Pɛ eghʉ̄ épúp, Ndém a elēkne mefa mɛ́, ḿbiŋ ŋgyá á wɛ́ Azwakne zí.

Pɔ́ lɛ si nnɔŋ nnéŋɛ ntē wɔ́p njúʼɔ anu zīi, meziŋ‑ntō Yɛɛ́so é zíʼnɛ á wɔ́p. Ḿbútɛ ŋgɔ́ɔ á taʼ nchu, ḿbwɔ́ʼtɛ mblɛ, ŋ́gaptɛ mpfɛ́tɛ. Ḿbiŋɛ ncúʼtɛ, éswíŋtɛ á Ndém, tɛ ŋiŋ a te ntshó ɔ́.

Azwakne Ndém á lɛ mbú ŋkó ánɛ pɔ́p tɛ ndó, ḿbiŋ ŋghʉ̄, pɔ́ zi á leshūŋne melāʼ ndɛʼɛ.

Mɛ́ lɛ ŋgē ejʉ́ɔ, amɔ̄ʼ azō á zwɛt á athʉ́ páʼ afēm lā, ésóʼo ŋkó tɛ ndó ŋgyā zīi, pɔ́ ŋgɔ́ éwú. Pɔ́ jʉ́ɔ amɔ̄ʼ azō á ŋwak, ŋ́gɔ́ páʼ melē mmók lā, ŋ́gāpte nnɛ̄t, ŋ́gʉɔ ntshí á athū awíɛ awíɛ á nnɔ pɔ́p. Azwakne Ndém á lɛ mbú ŋkó ánɛ pɔ́p tɛ ndó, ḿbiŋ ŋghʉ̄, pɔ́ zi á leshūŋne melāʼ ndɛʼɛ.

Ńzéŋ nnɔŋ mbúu ncúʼtɛ á ntē Mía Ŋgyā Ndém eleʼé tsem. Ńnɔŋ ŋgúanɛ, ḿbútɛ etsō mpfɛ́tɛ mé lekāk, mbɔɔ mé ntē mbɔŋ. Ńnɔŋ ŋgūʼtɛ á Ndém efʉʼ metsem. Alāʼ ntsem á jʉ́ɔ lenāŋ tsɔ́p, ŋ́kɔ̄ŋ á wɔ́p. A egɔ́ eleʼé tsem, Ndém a eghʉ̄, epuɔ pīi pɔ́ fíɛ́ nnɛ̄t ŋgyáa á mbū Yɛɛ́so, ńdɔkɔ ntswɛ́tɛ, e ekó ánɛ nnɔ wɔ́p.

Ndém á si ndʉ́ɛ́ ŋ́gɛ: A láʼ ekuʼe ánɛ mezoknzem eleʼé alāʼ, meŋ enéŋ Azwakne zá té ndhʉ, ánɛ epuɔ metsem. Epɔ̄ pɛ́, epi mbaŋa pɔ́ a epi wɔnzwí, e ecʉ́ʼ metswi‑ŋke pá. Epɔ̄ ŋgwɛso pɛ́, e ejʉ́ɔ njʉɔ te lí. Mezwiŋ epuɔ, e ejʉ́ɔ njʉ́ɔ lelɔ̄k.

Wɔ fɛ́‑nnɛ̄t ŋgyá mé Yɛɛ́so tɛ mmī, é pú ncúʼte ncʉ́ʼ á taʼ, apa zɔ́p á zéŋ mbú ncʉ́ʼ á taʼ. Pɔ́ lɛɛ́ eswiŋɛ etsáʼ tsɔ́p pɔ́ etsō tsɔ́p, ŋ́gāptɛ ŋkāp á mbū awíɛ awíɛ, nzwiŋ yīi, e kuʼ á lelɔk ntɔ̄ŋ anu zīi, á ntshí ánɛ yí.

Aleʼé alāʼ mɛ́t, ŋiŋ yīi a á gaʼte ntēŋ á Atsyapuɔ, a etswɛ́t. »

Lezēk nu e shʉʼ ewhʉ nzém, lezēk saŋ e esɛnne mbāŋ páʼ metshi lā. Tɛ́ mía mía aleʼé alāʼ á mbū Atsyapuɔ a ekūʼ, ŋ́gɔ́ ntsɔp aleʼé.