Popular Bible Verses from Mefaʼ Meziŋ-ntō 1

Share

Azwakne Ndém mé gɔ eshʉʼ esóʼo ánɛ pɛ, éyá á wɛ́ mbʉʼ, tɛ́ pɛ elɔk eshúŋ ajū mīi, pɛ é si nzhɛ́ɛ ánɛ meŋ, ńzī á tésɔŋ Yelósalɛm, éshúŋ mmāk ŋgɔŋ Yudéa, ŋ́kó á Samalía ntsem, éshúŋ shúŋ tɛ ndáʼ mbú ŋ́kó á nzokó ŋgɔŋ. »

Yɛɛ́so á pwɛt á mbū pɔ́p ŋ́gɛ: «Mɔʼɔ́ ga mé wɛɛ̄ afʉʼ, kɛ aleʼé lɛ́ɛ, ázi a lɔkɔ ŋghʉ̄ɛ menu mí. Pɛ te pɔŋté á wɛ́ á lezhɛ̄ ɛ́.

Á lɛ amɔ̄ʼ aleʼé, Yɛɛ́so pɔ́ a meziŋ‑ntō pí é cúʼte, ńnɔŋ mpfɛ́tɛ azō, á tswɛte á wɔ́p ŋ́gɛ: «Ndɛ́ʼ pɛ efhó á Yelósalɛm ŋgʉ̄ɔ ajʉʼ. Pɛ enáŋ éwú, ńzwíʼte ajū mīi, meŋ ke lɔ̄k nchu gá eshúŋ á wɛ́ ŋ́gɛ, Mɔʼɔ́ ga a ke phʉ́ á wɛ́. Meŋ ke lé ŋ́gɛ, Jáaŋ a kɛ si nnōʼo epuɔ á ntē ntshi, á cʉʉ́ʼ eleʼé shɔ́ʼɔ́ lɛ́, Ndém a enōʼ á wɛ́ á ntē Azwakne yí. »

A le gɔ́ tɛ ŋkwhʉ́ nzím, ńzéŋ ndɔ̄k eleʼé alāʼ megēm lekua, ŋ́kwaʼ mbú ntswī nnɛ̄t zi á mbū pɔ́p. Ŋ́ghʉ̄ ŋ́gɛ, pɔ́ echʉ́ nnɛ̄t nzhɛ́ á légɛ, a á ŋiŋ nte, ńzéŋ nnɔŋ eshúŋɔ á wɔ́p anu ánɛ Lefɔ Ndém.

Yɛɛ́so á mak á leshūŋ menu muɔ mɛ́t, Ndém á lɔk á yí ŋgē ekɔ́ʼ mé lephū, pɔ́ nɔŋ ncʉ̄ʉ á yí, alɔ á piŋ ŋkʉ̄ŋɛ á yí, tɛ pɔ́ té zéŋ á yí njʉ́ɔ ɔ́.

Pɔ́ zɛ́t ncʉ̄ʉ lephū cʉʉ, páʼ Yɛɛ́so a á kɔ́ʼ mé éwú, emɔ̄ʼ epuɔ mémpīa é lɛ ŋŋwāk á lezēŋ pɔ́p, ŋ́kʉ̄ɛ mefhɔ́ menzhó, ńdé á mbū pɔ́p ŋ́gɛ: «Pɛ, epuɔ Ŋgaliléa, pɛ tshií egā ncʉ̄ʉ akɔ̄ á lephū ú? Yɛɛ́so wuɔ mɛ́t yīi, Ndém a á fhó á mbū pɛ efók, ńdɔk ŋkɔ́ʼ mé lephū la, a eláʼ ezéŋ epiŋ nzem ánɛ ntií zīi, pɛ jʉ́ɔ á lɔkɔ ŋkɔ́ʼɔ ŋgʉ̄ɔ la. »