Popular Bible Verses from Malakus 13

Share

Ghə̂ adzəm ghə i bàa ghaa bòʼ mə. A kee loʼ nə̀, wù wey tə i təmi taw tsunə, zow ngoʼ ndòw kùm i ndòw, tə i keeli ibəghəshi.

Sey, təmi kɔʼ na nə ifuu nə igɔŋŋə, ghaa i ghə̂mə tənə, boʼnə ghaa khə way nəŋə zey ghəə ghən i neynə bənə kə.

Abə ghə i kwu ney ndòwnə ghaa n ndaw tsə, kə̂ ghaa nə̂ fəmənə wû i ghaa zə n ghəə ghey ghaa i dzanə, boʼnə abə nəŋə i tii zə i kpiinə, Zay kə Zow kə i fuu bə ghaa n ghəə zey ghaa khənə ni dza.

Mbi nə bə maynu, ghɔɔmə zuŋ i nə kee may koʼ way.

A kee loʼ nə̀, wù loʼ khə way tsuʼ fey nkee nəŋə zey ghəə ghən ghə i shiənə tii, wû u ngəd tə Kəzə̀ idəŋ nsə waa Kəzə̀, ghə khə daŋŋə way nəŋə zey ghəə ghən ghə i shiənə tii, a may kə Kəzə̀ n nəŋə wi tə khənə.

Abə ghaa i zownə tsam tə, nkee nyəŋŋə i tətsam, i kə̂ ghaa nə tsəŋənə, bòʼ nə̀ ghəə a tii a teeli khə ni bə ney kəbənə. I zən zə i kam dii dzə way nə̀ mbi dza i may.

Sey, tɔʼɔ təmi kɔʼ na nə ifuu, n təŋkey, ghaa khə way nəŋə zey mûkəbii î bəghənə. A loʼ ni loʼ n nəŋə i fənə tə, tə loʼ ni bə n fə̀ŋ ə tsuʼu tə, tə loʼ ni bə n nəŋə zey mwaʼ u tɔŋɔnə tii nkee n sə̀ kə tsə. I kə̂ ghaa nə̂ bəghəmnə nə̀ tə gbəllə bə kwɔɔlə ghaa nə̀ ghaa bweelinu. Ghəə ghən n dza bənə tə̀ ghaa, n dza soʼo tə̀ ghə̂ ghə adzəm. Sey, ghaa tɔʼ təmi taw tsu ghaa i ləmmə wi.”

Naʼa tə i zuulə baalə ghi naʼa tə tətûm tə, fɔɔ tə i zuulə baalə ghi fɔɔ tə, ghəlitsə kə i noʼlə n ndəmə təluʼu, dzəŋ i nə loʼ. Ghəə ghən a maŋ loʼ nzeyyə n ghəə a bəbə ghə tə̀ weyzən nə kaʼa tsuunə ni sòʼ waa.

Tə mbi ni bə may, ghaa khə ni teeli dii tsu dzə ghɔɔmə i Kəzə̀ nə tənaʼa tədzəm.

Boʼnə, abə nəŋə i tii zə î kpii bənə, ndəmə tə aghə̂ tə i bə n zəd zuŋ, ghə i dza bə nə̀, ‘À loʼ mə wù wən tə â khə ni bə!’ Sey ghə i sìi laʼ ndəmə aghə̂.

Ghaa khə ni tɔʼ ghə̂mə n wû i ghaa, n təŋkey, ghə i kwɔ ghaa, ghə ney ndòw ghaa n tay i saʼ. Ghə bwɔd ghaa n ndaw tə udzəŋi tə ghə, ghaa i ndòw n sə kə udəŋ nsə ghə̂ a nii ghə bòʼ mə. A nə wən loʼ kəbuʼ tə̀ ghaa ni naʼa tûm i dzuŋu zə tə̀ ghə.

N təŋkey ghə̂ a tsɔŋɔ ghə i bəghənu n zəd i wù wey Zə̀ kə â dza naŋa nə̀ i tûm bənu nsə tûm tə Kəzə̀ tə tsɔŋɔ tə, ghə nə dii tsəə tə tsɔŋɔ tə nsə faalə n tsɔŋɔ mə ni sìi laʼ aghə̂ nsə ni buʼ sìi laʼ daŋŋə soʼo ghə̂ ghey Zə̀ kə sày naŋanə abə ghə khənə jìi tii.

Yeso n ndow n sə kə dza tə̀ ghə nə̀, “Abə tsuʼu n ngoʼ mən mə i tsəghə tsunə, ‘Tsə̀ i nəmə nyi ndow, ndzɔŋ i way ni kəm bàŋ, səghəbələ mey n bikighow i bwù shi tsu bə, daʼa wey u loʼnə n bikighow wə i noʼlə.’