Popular Bible Verses from Malakus 12

Share

Yeso n beeli ndow ghə nə̀, “Laŋ kə sə isə kə loʼ nə, ‘Ghaa zow a waa ghə Izree ghə! Yawe loʼ Zə̀ kə ghey, a may kə wi tə loʼnə Zə̀ kə. Wə khə ni ləghə Yawe, tə loʼnə Zə̀ kə kə̀, n fə̀ŋ zə idzəm, zay kə kə̀ kədzəm, n moʼlə zə zə̀ idzəm, n daʼa kə kə̀ kədzəm.’ Laŋ key kə dzûmənə kə kən loʼ nə̀, ‘I ləghə waazə wə, tə̀ wə ləghənə wû wə wə̀.’ Laŋ kə loʼ kə kəm way dzə kə tsəghəshinə u wən ubəghə.”

Yeso n tɔŋɔ tsu ngəd tə wi, dza tə̀ ghə nə̀, “N dza bə isəŋə tə̀ ghaa nə̀, wey kpusə wən n kuu khəə wə fa tsəghəshi aghə̂ adzəm. Ghə̂ a loʼ ghey dzəə shiə bə fənyaŋi n ndəm zey ghə khənə, wey kpusə wən u kee fuu may bənə fə key tə khənə, n laa i wi, tə fuu may bə fə key tə mə khənə ni muu tii.”

Nghee tə Yeso â doʼnə n səə khəə key ghə kuunə naamə K-a-zə̀ kə tii, tə n laalə nghee ghə̂ a kɔʼɔ kuunə khəə wə. Ndəmə ghə̂ a kûm ghə n kɔʼɔ kuu khəə u səŋi wə. Weyzən ə kpusə u loʼ wə tə̀ â laanə, n ndow bə, kuu nyi tsu khəə u baŋa wə ubəghə nə̀ u ka buʼ kɔʼ kuum fòw fə.

Wə dza dzɔb soʼnu nə̀, saa khə ni ləghə wi n fə̀ŋ idzəm, n tɔb wə udzəm, nsə n daʼa kə kədzəm nsə nə̀ wù khə ni ləghə wù wey tə kuʼlə loʼnə n səə wi tə̀ tə ləghənə wû u wi. I zən tsəghəshi kaŋ tə nyam tən saa fəələnə nsə nyam tən saa nyɔʼɔ tə a loʼ umaʼlə tə̀ Zə̀ kə.”

Sey Yeso n dza tə̀ ghə nə̀, “Fuu na tə̀ Kaysa fə wey u loʼnə u wi wə, ghaa fuu ndòw tə̀ Zə̀ kə fə wey u loʼnə u wi wə.” Dzuu zə n ngii zum ghə n jìi zey tə a beelinə ghə tii.