Popular Bible Verses from Jɔn 14

Share

N fuu naŋŋə ghaa n buulə zə. À loʼ buulə zuŋ n fuu bənə tə̀ ghaa. Buulə zən n fuu bənə tə̀ ghaa way dzə ndzoʼo buulə zey ghə̂ a mbi a fuunə. Kə̂ fə̀ŋ tə nə̂ baŋanə ghaa, kə̂ ghaa nə tsəŋə soʼonə.

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Yeso n ndow n sə kə, dza tə̀ ngəd tə̀ wi tə nə̀, “Kə fə̀ŋ tə nə baŋanə ghaa. Keeli na bəghəm i fə̀ŋ zə n kow Zə̀ kə, ghaa keeli soʼo n kow mə.

A kee loʼ nə̀ Bày wuŋ i tûm bə ghaa n Zay kə Zow kə n zəd zuŋ tɔŋŋə wù wey tə tsə̀ənə ghə̂ ghə. À loʼ wi tə i diinə ghaa n ghəə ghə adzəm, tə i zə̀ŋŋə bə soʼo ghaa n ghəə ghən adzəm mə â dza naŋanə tə̀ ghaa.

Wù wey tə zow laŋ wuŋ wə, bɔɔmə bwey ndow tii, a wey loʼ wù wey tə baa ləghənə mə. Wù wey tə ləghənə mə, Bày wuŋ i ləghənu wi, mə i ləghə soʼo wi, n dii bə soʼo wû wuŋ tə wù tii.”

Mə i gɔŋŋə ndow tə Bày, tə i tûm bə ghaa n Wù wey tə tsə̀ənə ghə̂ ghə, tə i bə doʼo tən bə ghi ghaa tə̀ mbi nə bə may. Wù wən n dzanə loʼ Zay kə Zow kə. A loʼ wi tə i bə chiə diinə isəŋə kùm Kəzə̀. Ghə̂ a mbi a way dzə ni kpiney wi, n təŋkey, ghə khə way wi, ghə koʼo keeli soʼo way wi. Abə ghaa, ghaa khənu wi, n təŋkey, tə loʼ ghi ghaa, tə i muulə soʼo n fə̀ŋ tə ghaa.

Abə ghaa nɔɔ kənə kee kə n zəd zuŋ, mə i fuunu tə̀ ghaa, sey nə̀ Bày loʼ ni keeli nkɔʼlə bòʼ Waa. Abə ghaa nɔɔ kə nə kee kə n zəd zuŋ, mə i fuunu.”

Yeso n nam dza ndow tə̀ ngəd tə wi tə nə̀, “Abə ghaa ləghənə mə, ghaa khə ni naŋŋə laŋ wuŋ wə.

N dza bə tə̀ ghaa nə̀, dzuu a ndaw a loʼ n ndaw Bày wuŋ n ndəm, abə a mə way sey, tə n mə ka dza bə dzə tə̀ ghaa nə̀ n sa ndow ni ndow bayyə naŋa tsu təluʼu tə̀ ghaa.

Abə n ndòw faalə naŋa tsunə luʼu tə tə̀ ghaa, mə i kəm bə dzəŋŋə, n bə ney ghaa tə̀ saa i loʼ adzəm, sey nə̀, luʼu key n loʼnə tii, ghaa i loʼ soʼo fu ghi mə.

Tɔmɔs n bəb ndòw tə̀ Yeso nə̀, “Mûkəbii, ghey khə way luʼu key wə ndownə tii, ghey i bəghə fu nə ghey tsəghə ghee jìi?”