Popular Bible Verses from Mak 13

Share

Bɔ gimkpaʼ ba ngo gwe angɔn mbɔʼ ekumu ngu, bɛʼngɛ egho wɛ è klini etaa ngɔɔ bwɛn ene ngùdu ngɛ wa ngo pwèerè é gli.”

Tsɔmɔ sa kɔʼ! Ndeere awɛ! Ngwo ke nɛɛ endzobo yɛ è ma zeʼe ngɛ bo.

Ke e zeʼe bere awɛ me endzobo tse é ngo sɛʼ awɛ, ke sa zhu ekwa ngwɛ kpe mbè wa shi ngɔɔ ga kpe ayɛ bo. Nyɛɛmɛ ga engɔ wɛ e zeʼe engɛ̂ èndzobo chɛ ngɛ, mbɔʼnga ke ma ngwo ma ga bo, bɛʼngɛ na Azhwɛɛrɛ Pɛ.

Ezob mane chwâ yà fɔɔ, bɛʼngɛ aga ndza yà ka fɔɔ.”

“Tsɛ̀ʼ gho ŋwaʼ deʼ è me nɛɛ anji yɛ kà endzobo yɛ bo, ka engere efwɔ ezob, kà ŋwɔanɔm, tye àtɛ.

Engwo klada sa zo mbɔʼ ebiri mane enkpee mbɔʼ ebiri, ka kɔ̀n. Abwa yɛ ngɛ yàrà gli, bɛʼngɛ engudu bli ke zeʼe.

Éngɛ sa kɔʼ akwâ mbɔʼnga ngwo ke nɛɛ endzobo yɛ gho ndɔ ma zeʼe achim ngɛ bo, ka ne etiʼdi, kà na aghɛɛghɛɛ ǹklì, ka èndzobo chɛ èkoʼo ma tsoʼo ngɛ kà na angoʼse. Mala engɔ bum zeʼ ke le engɔ kla ngwo ma bwɛrɛ bo. Ebwa mmɛ ma ga engɛ̂ ngɛ mmɛ na ga ebe bɔ gimkpaʼ, mbɔn tsɔmɔ sa kɔʼɔ!”

Abɛ zɔ̂ ya sa ngwè azɔ̂, m̀fɔ̀ zɔ̀ sa ngwè m̀fɔ̀ zè, agu kɛkɛ ya sa njiʼ, nchwɔrɔ gɛrɛ mwɔ akwâ akɛkɛ. Azɔnɔ ne eklada ene enyii kamakam.

Éngɛ, à da dye sɛ̀ɛrɛ̀ ekɔn ǹchwɔ̀ efwɔ ebɛ gimkpaʼ.

Bɔ akɛkɛ ba ngo zeʼe ene ekumu ngu, è ma fɛ nyɛbid kpe, ‘Mmɛ ne engɔ,’ éngɛ, e ba ngo ndooro bɔ akɛkɛ.

Ngwo a dà nu azɔm. E ba ngo ge awɛ eblabwo m̀pàrà abɛ, e gɛrɛ wuru awɛ efwɔ ndɔrɔ tsaʼra Ngwe. Mbɔn ba ngo tamma efàarà abɔ e ma klini abɛ ngɛ mane m̀fɔ̀rɔ̀ ma sɛ̀ɛrɛ̀ ebwa m̀fɔ̀ Ngwe ebe angɔ mbɔʼ mmɛ.

Mbɔʼnga entsɛ andɔɔ kristo mane angɔ bàmɛnɛkɔn andɔɔ ba ngɔ gli gɛ̀rɛ̀ sa le anɛ̂ abwa zodo zodo mane akan é ndooro angɔ byɛ a shi chidi ngɛ, mala e me zamma.

“Bɛʼngɛ efwɔ enji byɛ e ma kìrì ǹgoʼ yɛ ngɛ, etaranchwe fa ngɔ koo, eta ke ma ngo ndɛʼɛ ekɛʼ bo, ńtɔrɔta ma ngɔ turu zeʼe ezob, éngɛ ela efwɔ ezob ekere ba ngɔ njiʼri.