Popular Bible Verses from Luk 8

Share

Elankɔn byɛ â turu afwɔ chwâ ǹchwɔ̀ ngɛ, na abɔ byɛ e zo ega wɛ, e nu efwɔ ńtara amɔ gɛ̀rɛ̀ ma klini ńtara bwɛn èndzobo chɛ e ma kla enta ngɛ.

Elankɔn byɛ â turu efwɔ ekôd ngɛ ne abɔ byɛ e ma zo ega Ngwe, bɛʼngɛ àfɔ̀n efwɔ ese, edoʼ ene ela efwɔ ese mane abwa efwɔ ese koro ńtara angɔ, e ne me né kla enta ǹchwɔ̀ bo.

Elankɔn byɛ â turu edɔm ekob ngɛ na abɔ byɛ e ma zo ega wɛ, nu ene egɛnɛ ngɛ. E shi ke ma nyii efwɔ ńtara angɔ bo. E na bɛ̀rɛ tye me ne antiri endzobo. Èndzobo chɛ ekpere zeʼe ngɛ, angɔ godo mbɔʼnga è ke le agha bo.

Yeso shi gà ebe bɔ bɛɛrɛ abwa mɔ kpe, “Ebɛrɛtaa ndzɔn eze?” Angɔ à kɔn ma bumu sa gà àmɔ̀ àmɔ̀ kpe, “Egho wunɔ shi na awɛ è ga ebe efùu mane awawa e zo engɔ?”

Elankɔn byɛ â turu a njikɛ̀ ngɛ ne tama ene abɔ byɛ e ma zo ega Ngwe, a sa ndada afwɔ mpiʼ, asatan zeʼe è chi ebwa wɛ efwɔ ńtara angɔ, é le kpe angɔ ke le ebɛrɛtaa yà nde etyê bo.

Ela gimkpaʼ byɛ e me nɛŋɛ ngɛ e yà zɔ. Abwa yɛ â gɛrɛ me nɛŋɛ ngɛ yà gli apɛpɛ.

Aye wɛ à zɔ kpe â shi nɛɛ angbe, éngɛ engɔ sa biri ekwa è ngɔɔ go elo Yeso. Aŋu, efàarà bɔ gimkpaʼ, engɔ toʼro ebe Yeso ǹji yɛ engɔ à mɔmɔ engɔ ngɛ gɛ̀rɛ̀ tòʼrò aŋu ekwa ngɔ à bwada ekyɛ ŋwaʼ ngɛ. Yeso ga ebe engɔ kpe, “Ŋwɔaye ngu, ebɛrɛtaa njɛ shi le ngwo bwada, ngɔɔ ene m̀bwarambwad.”

Bɔ bɛɛrɛ abwa ngɔɔ ebe Yeso, zɛɛmɛ engɔ ga kpe, “Masa! Masa! Ntsɔ kudu!” Yeso tam a m̀bwɛrɛ, è gà ebe efùu mane awawa wɛ efwɔ ndim ngɛ è ba. Akwa gɛrɛ ba tuuu.