Popular Bible Verses from Luk 12

Share

Mbɔn gɛrɛ ndèerè angɔn mbɔʼnga Ŋwɔ Gho wa ngo zeʼ èndzobo chɛ mbɔn ne ma zhuŋu bo ngɛ.

Enyɛrɛ éngɛ, mbɔn shi ńtara ntsɔn tye ene ebwa m̀fɔ̀ ngɔ, è wa ngo ndɛ̀ʼ ela bɔnɔ gimkpaʼ endɔn.”

Engɔ ngɔɔ embè gà ebe angɔ bɔ gimkpaʼ kpe, “Mbɔn nu azɔm gɛ̀rɛ̀ sa kɔʼ akwa ndzɔn ene m̀pèrè bɔ andɔŋɔ gimkpaʼ, mbɔʼnga e ke ma nɛɛ gho wɛ è ma ga éŋwaʼa ngɛ ene eleabwa engɔ bo, ke è me fɔ̧rɔ ngɔɔ bwɛrɛ awe.”

Mbɔn be nɛɛ kpe etaa mfyɛ na mwɔ afwɔ yɛ àfɔ̀n ngwɛ mwɔ ngɛ.

Awɛ abwaʼ ndzɔn wɛ è ma nyii ekwa mɔ ngɛ me né zhiiri antiri endzobo ene etsɔmɔ mɔ?

Éngɛ Yeso gâ ebe bɔ bɛɛrɛ abwa mɔ kpe, “Mmɛ ga endɔn kpe mbɔn ke sa nyii akwa ndzɔn ene ende wɛ mbɔn ma ke nde é tsɔmɔ àkɔʼɔ ngɛ bo, kà ene ǹdiri chɛ mbɔn ma ke é gè akwa ndzɔn ngɛ bo.

Ngwe gɛrɛ ye nɛɛ nuru nyɔrɔ ato njɛɛ gimkpaʼ. Éngɛ ke sa bumu bo mbɔʼnga ngwo we fɔɔ enɔrɔ ènɔ̀n akɛkɛ.

Mbɔn ke sa bumu bo, mbɔn adɔ̀kpara, mbɔʼnga Àtɛ ngɔn è wa gɛnɛ amɔ é ndɛ̀ʼ ekama mane ebwa m̀fɔ̀ endɔn.

Mbɔn kede edwaʼa, angɔ ke kɔrɔ elankɔn kà ma dzà eku bo, angɔ ke le etɛ ma shi ande bo, Ngwe à dama ndee angɔ! Mbɔn ke nɛɛ kpe mbɔn be fɔɔ ènɔ̀n gimkpaʼ bo?

Éngɛ mbɔn ke sa shi ńtara ntsɔn sa zɔŋɔrɔ, sa zhuŋu mbɔʼ ela byɛ mbɔn ma ngo nde kà ŋwɔ ngɛ bo.

Mala Ngwe ma ge ǹdiri ekwa egɛ, egɛ byɛ e mwɔ anɔ ànchwɔ̀ gɛ̀rɛ̀ ma fɔɔ enchwe, e sɔ̂ʼ angɔ edzɔwu ngɛ. Engɔ ke ma ngo fwɛʼ endɔn fɔɔ éngɛ bo? Ayɛ me le ebɛrɛtaa ndzɔn me kpɛɛ?

Tsɛ̀ʼ ala deʼ yɛ e ma kooro yɛ e ne ma wu fuʼ ngɛ bo, abwa nɛŋɛ ya ngɔɔ gli apɛpɛ.