Popular Bible Verses from Jɔn 19

Share

Anyumə̀ ne Yeso ya sɔri mənoʼ ŋwàŋi mbe, wì ya gha, “Ze fə mèg.” Wì ya gha ane, si gùndi atog aseg, Ŋwiye niŋ azwighi məd.

Yeso ya kyeri àzi aghi gha, inug ijìm fə mèg yi. Ane, ni bə ghì gha, anug ze ne mbi ya ŋwàʼri inga Àŋwàʼrì Ŋwiye ze duwə ane tesiʼ, wì ya gha, “Adɔʼ mənib ze ko amə.”

Anyumə̀ ne Yeso ya bàri icheg ne ìwi ngɔb tì àmə̀nənùg we ne wì kɔ̀ŋi ya təmi iban azed abaʼri ze, wì ghà abə ìwi ngɔb gha, “Aŋa ya ìwe ŋwan gho̰.” Wì ya bə̀ si ghà abə àmə̀nənùg we gha, “Aŋa ya ìwe ngɔb gho̰.” Ni ko ane nyumə̀ we, àmə̀nənùg we ya niŋ ngɔb Yeso ghò inga àzi achan.

Si ya gha, anyumə̀ ne mbi ya pè igun Yeso si bàd gha wì fə kə ku, chəyi mbi ya buʼri aghog məd. Si ya gha, sogyì mɔ̀ʼɔ inga mə̀sogyì mbe, ya zùm iban ìbèn məd ane ighɔŋ. Wì ya zùm ane, anəm fɔrɔ mənib dù ane məd.

Inug mbo̰ ya du ni ghì gha, anug ze ne mbi ya ŋwàʼri inga Àŋwàʼrì Ŋwiye duwə ane tesiʼ gha, “Chəyi mbi biri buʼ awu məd mɔ̀ʼɔ ka amɔʼ.” Asiŋi ndəŋ inga Àŋwàʼrì Ŋwiye bə̀ gha, “Bəd biri nèn aməd we ne mbi ya zùmi.”

Yeso ya bèʼì àzi azed abaʼri zìye zìye, mbi dù ghò pè asiŋi ze ne mbe kàrà ane Tìngəʼ Atog. Mbi yaya kàrà asiŋi ze ane ìngam Hibrù gha Golgotà.

Mə̀sogyì ya niŋ agyen njəŋ njəŋ, kad, zì ibo igun atog gha à ya aghi atog ifɔn. Mbi ya bə̀ zì ndwi ìfɔ̀n igun məd.